الله يفرج همك يارب ويفتحها لك من اوسع ابوابه بس بقولك شغله يارب تنفع معك

اول شي مادام المشاكل قاعده تجيك من اهل زوجك وانتي طيبه معهم وقايمه بواجبهم فبحكي لك كلمه " الباب

اللي يجيك منه ريح سده واستريح " قومي بواجبهم وقت المناسبه الكبيره بس مثلا فرح احد منهم او حزن ومابقولك اقطعيهم ابد يعني لو زيارة مره بالشهر تكفي

حاولي قد ماتقدرين لو حصل و وحده منهم تلفظت عليك بكلمه زعلتك ماتوضحين انك تضايقتي او زعلتي بالعكس خذي الموضوع بروح حلوه ما اقصد انك ماتزعلين وتجمدين مشاعرك بس حذاري وحذاري توضحين ان كلامها

ترك اثر فيك صدقيني احنا الحريم من نعرف ان فلانه تضايقت منا نحاول قد مانقدر نضايقها خاصه اللي فيها هالمرض مهما كان لاتوضحين ضيقتك من اي حرمه او غيرتك طنشيهم وعيشي حياتك واقفلي عليك باب بيتك احسن لك من وجع الراس

شي تاني حاولي مع زوجك تطلعين معه بيوم وهو رايق لمكان هادي افهمي ليه قاعد يسوي هالشي وبقولك شغله
يمكن زوجك يسوي كل هالشي لأنه عارف انك ماتقدرين تستغنين عنه مو حبا فيه بس يمكن ظروف اهلك وانك ماتبين ترجعين عندهم يمكن تصرفاته هذي عشان عارف حاجتك انك تكونين ببيتك وبيت اولادك

حاولي انك ماتبينين حاجتك له فوق اللزوم واقولك هي لو غلط عليك لاتنكسرين له بالعكس خليه يجي يعتذر والله

ومن تجربه اول ماتزوجت زوجي كان يغلط علي وتعرفين ببداية الزواج كنت ابي اداري اي مشكله عشان افهمه ويفهمني لما حسيت انه قام يستهون فيني يغلط ومايعتذر بيوم صارت مشكله طنشته اسبوع لدرجة لما شفته مو حاس بخطاه
ماصرت اعطيه حقه لا بأكله ولا بشربه ولابنومه وربي انه جاني يسألني شفيني ويتعذر انا ما ابي احرضك على زوجك بس صدقيني لازم تكونين صارمه شوي ليه اتنازل عن حق نفسي
ترى مافي احد يستاهل اللي تسوينه بنفسك شخصيتك ضعيفه قويها حتى لو طلعتي اللي بقلبك وانتي تبكين اهم شي تتكلمين

ثالثا لو صعبت الحياه معاه شوفي مستشار ينصحك احسن عنده خبره ويفهم اكثر ولو مانفع وكل الطرق سلكتيها

صدقيني ربي ماشرع الطلاق الا لمثل حالتك وربي مايضيع احد انا ما انصحك بالطلاق بس حرام تتعبين انتي وغيرك مرتاح خليك قويه وصارمه وقت اللزوم وهاديه واحتوي زوجك بعد وقت اللزوم والله يوفقك

اسفه طولت حكي بس مقهوره على حالك ترى كل الغلط منا وفينا احنا نضعف للناس ونرخص بنفسنا ونقول
محد احترمنا

الله يشرح صدرك وينور دربك...


яawan

انا كلمت مستشار اسري الدكتور بكار قالي اش شهادتك قلت بكلريوس قال شهادت زوجك ايش قلت ثانوي قال هذا اول غلط مومتكافئين طيب وش دخل الشهاده والله اني مقهوره بس بصبر مابي التاريخ يعيد نفسه على اولادي وشكرا ماقصرتن

الله يفرجلك ويسخر زوجك لك
اولا - خلي شخصيتك قويه والله الناس في الزمن هذا ماينفع الا القوي شوفي تعاملهم مع زوجة اخوهم الثاني
علشانه قوي ولاتكثري روحات لهم واذا ساكنه عندهم لاتكثري نزلات عندهم ابدي تقليل بالتدريج بعد يومين ثم 3 ثم مره
في الاسبوع واذا نزلتي سوي نفسك زي الضيفه لاتشيلين حتى البياله منتي شغاله تعاملي برسميه وطول منتي عندهم اشغلي نفسك بعيالك واذا سولفي بحدود ولاتتوسعين في بيتك اشغلي نفسك في عيالك وتربيتهم
واقري قرآن واكثري من الاستغفار الاستغفار الاستغفار والله اثره عجيب
وانا مجربه (استغفرالله الذي لااله الاهوالحي القيوم واتوب اليه)وكتبيها في ورقه وكرريها مئات في اليوم
وقبل هذا كله افرشي سجادتك قبل الفجر بساعه واطلبي ربك والله مايخييبك ربي
ومن ناحية زوجك وتعامله مع اهله ومعك لاتقهرين نفسك انت نفس الكلام اللي يقوله لخواته قوليه له يعني تكلمي معه برومنسيه واذا منتي متعوده ولاتقدرين عودي لسانك على هالكلام وردديه بينك وبين نفسك وقوليه لاطفالك علشان يصير عادي
وارسلي له رسايل في البدايه ماراح يرسل ثم والله انه غصب يرسل لك بعدين لا تقولين له عن مشاكل اهلك ابدا وادعي هالدعاء (ربنا هب لنا من ازواجنا وذرياتنا قرة اعين واجعلنا للمتقين اماما)(اللهم سخر لي زوجي وحنن قلبه علي واحفض بصره وفرجه عن الحرام ) اللهم سخر اهله لي
وادخلي موقع مملكة بلقيس راح تستفيدي من القصص وحل المشكله من الدكتوره وخاصه اقري قصة ام الوليد

الله يفرج همك ويحفظ لك اعيالك ويرزقك برهم
والدنيا دواره عليهم
الله يهديه ويصلحه لك ياررب

اختي لاتنسين الدعاء والاستغفار وقيام الليل
الله يفرجها عليك وينصرك عليهم يارب