**أخبركم سر من أسراري ..سبحان الله**

اللهم صل وسلم على حبيبي خاتم الأنبياء والمرسلين

بسم الله الذي لا يضر معه إسمه شيئا في الأرض ولا في السماء ..

قولوا ماشاءالله..تبارك الرحمن

القصد من إخباركم سر عن نفسي فقط لأدردش معكن عن نفسي لأني دائما أفكر ليش أنا كذا وقلت عاد عندي أخوات أسولف معهن.. أو يمكن هذي الحاسه السادسه كما يقولون..

أخواتي كم مره أحلم أي شغاله تجي لبيتنا وتعمل خطأ أو إنها تدس شيء في نفسها أو تعمل شيء أحلمها وبعد تحقيقات معها تنكشف..
مثال:
مره جبت شغاله وصار لها كم شهر عندنا وهذا مايقارب السيع سنوات وكان عندي 4 أولاد إثنين يروحوا المدرسه وأنا من يروحوا المدرسه أروح لأسرتهم (فراشهم)وأنام فيها ،،والأسره طابقين والشغاله تحط فراشها تحت الأسره ..وبعدها ما أقدر أنام وجسمي يثقل وأحاول أخذ عمري وأذهب إلى غرفتي ومره حلمت الشغاله ملابسها مقطعها وفار في الحلم ..المهم لما جات العصر رحت لبيت أختي وكنا في منطقة وحده وأختي عندها ولد فاهم ومتعلم ومافيه كتاب مايقرأه المهم وأنا أرتاح له ودائما نسولف مع بعض وخبرته الحلم قال لي :خالتي الشغاله مسويه شيء وإنتي تكشفيها ومن قال لي تفسيره وأنا قلبي لم يهدأ وبعد كم يوم راحت لعند أختها وجيت أنا أفتش كبت ملابسها وكأنه أحد قال لي روحي إلي الفراش وأخذت المخده ودخلت يدي شفت عامله كتابين ورق إثنين وواحد مثل صفيحة النحاس وحروف عربيه مربعه المهم أخذته إلى أمي وأمي سألت ناس وقالوا لها إرميه في البحر..

والشغاله الثانيه فلبينيه
كانت محجبه وعامله نفسها محافظه وأا ماشفت عليها شيء لأنها أوهمتني بتصرفاتها وآمنت منها وطبعي أراقب جدا الشغالات وماأرتاح من تصرفات ولكن هذي غير،،
حلمتها بأن زوجي جالس يحقق معها وهي لابسها لبسها الأزرق ولكن بنطلونها مشروخ ،،أنا جلست أفكر في الحلم ومافسرته ومره جاني وسواس منها مفاجأ وألححت على زوجي ياخذ تلفونها يفتشه وأخذه وهو يقلب التلفون شاف أرقام جي أس أم وهي لها شهرين وماتعرف أحد في بلدنا وأخذ الأرقام وإتصل فيهم وطلعوا هنود ساكنين حوالينا وناداها وجلست قدامه وسبحان الله نفس اللبس ونفس الجلسه إلي حلمتها فيها وعرفناها على حقيقتها ومن إكتشفناها أصبحت الصبح وهي تراقبني كأنها تريد الهرب أخذناها إلي بيت العم عن تشرد وخلصنا إجراءتها وسفرناها..

وهكذا كل ماتجي عندي شغاله ومخبيه شيء أحلمها ..

ومره حلمت بيت أختي وكان سقف بيتها كأنه خربان والبيت صاير كأنه هويه وأحلم البيت مرتين ومن أقوم أتصل في أختي وأقول لها : ياأختي راقبي الشغاله بيتكم فيه خطأ لازم تراقبي بيتك وبعد كم شهر الشغاله طلعت خائنه كانت بنتها تشوف التلفزيون في المجلس تحت والبيت طابقين والبنت مسكره كل الأضواء وجالسه على الكنبه ،،المسكينه تسمع أصوات كأنه أصوات سرير ولما شافت شافت رجال طلع من غرفة الشغاله على الحمام ،،البنت خافت وعملت نفسها ماشايفه شيء وكأنها طبيعيه وطلعت فوق كأنها تريد تنام وراحت لأختها وخبرتها وطول الليل مانامن ماعرفن يتصرفن وخافن يقولن للأم وتعمل هوشه والرجال يقتلهم وفي الصباح خبرت الأم (فجر)،،لأن البيت مافيه رجال أختي مطلقه وعندها ولد في العسكريه والبيت فيه حريم وهاديء ماكأنه فيه ناس..

عااااد سامحني طولت عليكن:)