استجاب الله ثلاث دعوات لي الحمدلله

السلام عليكم يابنات صباح الخير:27:


انا بنات الحمدلله يارب استجاب الله لي دعوات كثيره سبحان الله الالحاح بالدعاااااااااء من اسباب اجابه الدعاء منها


اول شي كنت ادعي مشكله صارت وكلما صارت المشكله هذي نهايتها مؤلمه لي واتبهذل لكن المره هذي دعيت الله

والحمدلله كنت طوال الاسبوع خايفه انها تكبر المشكله لكن الحمدلله انحلت بكل سهوله بشكل ماكنت اتوقعه

والدعوه الثانيه اني مريت برضوه بمشكله عساها ماتمر عليكم الي الشك بالدين وانكار وجودا الله استغفر الله جاني وسواس بالهشيء طبعا غصب علي مو ارادي اول كنت ايماني قوي والحمدلله لكن فجاءه جاني الوسواس استمر معي من رمضان الا ذوالقعده وانا بحاله مايعلم فيها الا الله الحمدلله اصلي واقرا قران لكن الوسواس ملازميني ماقدرت اتقرب لله اكثر طبعا الشيطان شافني تقربت لله قال خليني اخرب عليها حسبي الله عليه والله اني ادعي وااذ خلصت اقول اقول اللحين انا ادعي منهو له اصلا مافيه رب وهكذا وابكي وسالت شيخ قال ابشري عقيدتك سليمه والايمان موجود لو مو مؤمنه انتي كان مابكيتي وضاق صدرك كان تركيتي الصلاه بس لاتخافيي اتسمري بالعبادت وتعوذي منه يعني وقالي نصايح وسويتها لكن الوسواس مازال جيت رفعت يدي للسماء وتجاهلت الشيطان واله اني حرب بيني وبينه ودعيت قلت يااااااااااااارب ياااااااااااااارب ياااااااارب انت القوي والشيطان ضعيف انت قادر عليه ووو دعيت وانا ابكي واردد يارب يارب يارب ياقوي ياقوي ياعظيم يا يا 000 كل اسماء الله الحسنى قلتها طبعا اقولها وانا ابكي

والله العظيم فتره قصيره والحمدلله تحسنت وصرت طبيعيه وزاد ايماني وفكني الشيطان من وسواسه ولله الحمد


والدعوه الثالثه
والله

اني اقوم باليل بركعتين وارفع يدي واقول اسماء الله الحسنى ادعي وابكي سبحان الله اذا بكيتي تحسين انك فعلا فقيره وضعيفه
والله يابنات وقسم بالله 3 شهور واستجاب الله لي لان عندي مشكله وااذ ماصار الي بالي مدري وش يصير فيني بوقتها لكن الحمدلله استيجبت دعوتي

3 شهور من الدعاء والبكاء استجاب الله لا مو بس اللي كنت اتنمنى تحقق الله اعطاني ضعف اللي كنت اتمناه يارب لك الحمد واله ان رحمته كبيرررررررره


بس الالحااااح وصدق الدعوه والاخلاص يستجيب الله انا احيانا ادعي بس مو بتحمس يعني كانه بس روتين والقلب مو حاضر لا لازم قلبك يكون حاضر


انتي بتوقفين وتطلبين رب عظيم فلازم استعدااااااد وتقديم الطلب بكل فقر وضعف وانكسار

توضي وانتي توضين حطي ببالك انك تتطهرين لرب عظيم

وافرشي سجادتك قبال القبله لا و بوقت ليل والله ينزل والله قال سهام اليل لاتخطيء ماتخطيء سبحان االله

وصلي وداعي بالسجود خضعتي لله وذليتي نفسك لمين لله عز وجل راسك نزلتيه بالارض كل هذا لان الرب عظيم

ايضا بالدعاء ارفعي ايديك وابكي ورددي يااااااارب انت الرب العظيم رب السموات ورب الارض مدح ثناء لله ط

واهم شي ادعي باسمااااااااااء الله الحسنى مثلا قولي انت الغني وانا الفقيره انت العزيز وانا الذليله انت انا عبدتك الضعيفه انا المخلوقه العبده الكسيره المحتاجه ووو كذا
ولاننسى الصلاه على النبي



طبعا اكيد بتنزل دموعك اذا كان دعاؤك صادق بتنزل غصب هذا احساس بعظمه الرب
انا والله احيانا يروح كل وقتي مدح وتعظيم لله احيانا يقر اذان الفجر وادعي بسرعه


وادعي ولاتكفرين بوقت الدعاء بالطلب اللي تبينه لا خلي كل تفكيرك بالله واسماؤه وذلي نفسك
بعد كل هذا وش تتوقعين ربك بيخليك ماارح يستجيب لك لا والله يستجيب وااذ مااستجاب له حكمه بس الدعاء ماريروح كذا ابدا لانه اصلا عباده


سبحان الله حتى الواحد لو عنده ذنوب ودعا ربه بصدق وذل وانكسار وافتقاااار لله

طبعا الذنوب تمنع اجابه الدعاء بس الله اعلم بحال الناس وله حكمته في كل شي ومانعترض


واللحين انا ادعي بالزواج بس الزواج ماالح مره فيه مع اني اي اتزوج بسرعه بس مدري ليه ااذ جيت ادعي ووصلت لطلب الزواج مدري وش يجيني بس بحاول ادعي ان شاء الله




بعضكم يمكن يقول طيب وش دخلنا لان فيه عضوات هينا الله يهديهن بس

كتبت الموضوع عشان غيري يستفيد ويتفائل الدعاء سبب كبير واكيد لتحقق مرادك باذن الله