اول شي نقطع صدور دجاج مكعبات وننقعها بشوي صوياصوص وكتشب ومايونيزوخردل ونحط معها شوي بهارات وملح وفلفل اسو د ونحطه في مقلايه عالنار ونحركه لحد مايستوي الدجاج
نقطع بصل مكعبات ونحمسها شوي وبعدين فلفل رومي نفس الشي ونحمسه مع البصل ونحط الدجاج فوقهم ونحمسهم مع بعض
بعد كذا نحركهم مع بعض الين ينشف وبكذا يكون الدجاج استوى
نجهز الخس اللي مقطع شرايح ونجهز السندويش انا بالعادة اجيب السندويش الكبير بس هالمرة ماعندي الاصامولي
نحشي السندويش بالدجاج ونحط معه خس وشوي كتشب وهذا شكله
نجي الحين للتونة اول شي نحمس بصل شرايح مع فلفل رومي شرايح نحمسهم مع بعض بعدين نضيف عليهم فطر شرايح ونحركهم ونحط عليهم ملح وفلفل اسود بعدين نحط عليهم التونة ونحمسهم شوي وبعدين نطفي النار وبكذا يكون الغدا جهزوعليكم بالعافية
وهذا غدانا مع بعض ومعاه صحن محشي كوسه من خالتي الله يجزاها خير
اتمنى يكون غدانا عجبكم والقادم احلى ان شاءالله