مشتهيه جريش

انا والله نفسي اعرف طريقه جريش مضبوووطه
واهم شي تكون بمقياس عشان اعرف
ياليت احد يقدر يفيدنا

أَسْتَغْفِرُ اللَّهَ الْعَظِيمَ الَّذِي لا إِلَهَ إِلا هُوَ الْحَيُّ الْقَيُّومُ وَأَتُوبُ إِلَيْهِ "

up

السلام عليكم 
اول شي نقعي كاسين جريش وكاس رز مصري  وافرمي بصله متوسطة الحجم فرم كبير واربع كاسات لبن تكونين مطلعتهم من بدري علشان تروح برودتهم ونصف زبده او زيت اذا بغيتي او سمنه الي تحبينه واذا حبيتي صحن صدور دجاج من دون عظم او بدالهم ماجي او مالهم داعي الي مايحبهم وملح وكمون مطحون ملعقه صغيره وثلاث حبات فلفل اخضر 
الطريقه : تحمسين البصل بالزبده ومعها شوي زيت علشان ما تحترق ولا تطولين حمس مانبغاه يحمر وتضيفين لتر ماء عادي واللبن وتحركينهم بالشبك حق البيض او حق البشاميل عرفتوه الي كنه اسلاك الغرض منه علشان مايفرط اللبن لحد مايغلي اول مايغلي اللبن حطي صدور الدجاج والجريش والرز المصري وغطيهم بالموياء تماما يعني كنهم شربه وخلي النار متوسطه وحركيه حركتين بس علشان مايلزق الدجاج تحت واصبري عليه تقريبا نصف ساعه بعدين خفضي النار مره وزودي الماء مثل السليق حق اهل نجد يعني لازم مويته زايده مو مثل الرز ينشف وغطي القدر وخلييه تقريبا نصف ساعه ثانيه بعدين ارجعيله وملحيه اتوقع ملعقه ونصف حقت الاكل وحركيه بطريقة كنك تضربينه بملعقة غرف الشربه المغرفه وحاولي تكونين ماسكه القدر زين علشان مايطيح وينكب لا سمح الله وحاولي انك تفتتين  صدورالدجاج بهالحركه لحد ماتهرسينه يصير مره مخلوط الجريش وارز والدجاج وواذا كان ثقيل زيديه ماء تغطيه شوي واذا خلصتي ضاربته حطي على الوجه رشه ملعقه كمون صغيره وربع زبده اوملعقتين سمنه والفلفل الاخضر الحار واكتميه بالقصدير والغطاء زين واصبري عليه ساعه والنار مره مره صغيره وبعد مرور هالساعه طلعي الفلفل من الوجه وحركيه واغرفيه وبالهناء والعافيه .


اتمنى اكون وضحتلكم طريقته دعواتكم 

اه نسيت اضيف لكم شي مهم قبل ماتحطين اخرشي وهو الفلفل والكمون والزبده حطي عصير ليمون حبه او حبتين وحركيه بعدين اخر اضافه وغلفيه بالقصدير الليمون يعطيه طعم روووع