تحية طيبة للجميع ...
ترتيب اعداد تنسيق ... بداية جديدة بعالم حواء ... www.no-hair.bdyamall.com غير مسموح بالنقل الا بذكر المصدر
من فترة وجدت اسئلة واستفسارات عن تصفية المنتجات ... لتجديد النشاط .. ورغم سهولة الامر الا ان محير من اين تبداي التصفيات وكيف تحسبينها ... هل بنفس راس المال ولا اعلي ولا اقل ؟؟ ( اكلك منين يا بطة :55: )
ولنبدا بالاساس وهو الورقة والقلم وعمل جرد وفرز للمنتجات واصنافها ... اولا الجدول يكون تصنيفاته كالاتي ..
العدد – النوع – سعر التكلفة – سعر البيع – سعر التصفية
واذا سالتيني ما اهمية وضع سعر البيع ؟؟
لانه حسب سعر البيع بيتم تحديد سعر التصفية .. لانه بيترتب عليه المكسب وبالتالي قيمة المنتج المراد تصفيته
1- اذا سعر البيع غطي قيمة المنتج + ارباح ولكن تبقي عدد
مثلا ... اذا درزن 12 حبة ب 60 ريال ... سعر التكلفة 5 ريال للحبة .. وسعر البيع 10 ريال .. والباقي من الدرزن 3 قطع راس مالهم 15 ريال ... اذن سعر البيع غطي راس المال وبارباح كمان .. هنا لو عملتي تصفية ووضعتي السعر ب 5 ريال فانتي كسبانه قيمة + صدق في التصفيه ..
2- اذا سعر البيع تساوي مع راس المال
مثلا الدرزن 12 حبة ب 60 ريال .. سعر تكلفة الحبة 5 ريال ... سعر البيع 10 ريال .. والباقي 6 قطع ... هنا جمعت راس المال فقط بدون ارباح .. ومع رغبتك في عمل تصفيه فلك الحرية .. انا بعمل تخفيض السعر 7 ريال بدلا من 10 ريال ... او تصفيه براس المال ... ليكون السعر 5 ريال ... واتى في كل الحالات كسبانه وان قل عن الربح المتوقع ..
3- اذا سعر البيع لم يغطي راس المال ..
علي نفس المثال السابق الدرزن 12 حبة ب 60 ريال .. تكلفة الحبة 5 ريال .. سعر البيع 10 ريال ... الباقي من القطع 10 حبات للاسف هنا المشكلة .. وبغض النظر عن الاسباب كانت في السوق او التسويق او كسل او ظروف او او او .. وعليك تفاديها سريعا والا تكونى بعرضه للخسارة ...
- تنشيط تسويق المنتج بشكل قوى وبدون تكاليف اضافية علي التسويق حتى لا تزيد الطين بله وتزيد تكلفة المنتج عليك ...
- تنشيط المنتج باضافته الي منتج اخر ... وهنا طرق كثيرة لتنشيط المنتج الراكد .... مهارات تجارية ::: يلا عروض وهدايا وجوائز وسحوبات وكمان تخفيضات .
حالة خااااصة ... ونقاط هامة .. تابعي في الرد الثاني ...
مثلا عندك 100 قطعه ب 1000 ريال .. راس مال القطعة 10 ريال .. وسعر البيع 20 ريال ... وجالك خبر انه بينزل السعر المنافس بالسوق ل 15 ريال ... وباقي عندك 80 او 70 قطعة ... ايه الحل ؟؟
الحل يا غالية بدون تفكير .. تبيعي 50 او 60 قطعة جملة .. راس مالهم او بربح بسيط .. يعني 11 او 12 ريال .. وانتى مضطرة ... والقطع الباقية 20 او 30 قطعة ... لو بعتيهم مفرق علي مهلك بنفس سعر السوق 15 او بسعرك 20 ريال .. بتكونى كسبانه ولحقتي توزعي بضاعتك قبل ما تتكدس عنك ويسمع الزباين بالسعر الاقل .... طبعا المثال هذا للتوضيح .. لكن الحقيقة ان الموقف ممكن يحصل في منتجات راس مالها 50 الف او 100 الف .. وبتكون الخسارة كبيرة في تكدس المنتج وضرب سعره . .. واسال مجرب :55:. فالافضل التخلص منه والحصول علي راس المال قبل ما يتجمد في البضاعة وتخسر او تتورط فيها ..
نقاط هامه في التصفية .
التصفية مفرق .. اذا عدد القطع الباقية درزنين او ثلاثة واكثر فمكمن تصريفهم بسعر التصفية علي الزباين بشكل سريع وايضا بمكسب مناسب واكيد يكون اقل من سعر البيع المعلن من قبل يعني لو كانت ب 10 .. في التصفية تكون ب 7 .. وليكن اقل طلب مثلا 3 قطع بحيث تخلص بسرعة
التصفية جملة .. اذا عدد القطع المتبقية 5 درازن واكثر ... فهنا يمكنك البيع براس المال او بربح بسيط زيادة 10% فقط
التصفية جملة الجملة ... هنا اهم نقطة والموجة للتاجرات .. انتبهوا من اسعاركم في التصفيات لانكم تاجرات . والتصفية بتنزلوها لتاجرات .. وكلنا عارفين الاسعار .. تيجي واحدة كاتبة تصفية .. اشوف الاسعار مافيها أي تصفية ولا مصداقية .. يعني لو تاخدوها من الموردين ب 5 وتبيعوها ب 10 .. تنزلوها تصفية ب 10 ..!! دا كلام ؟؟ نفس سعر البيع ؟؟ ازاي تكون تصفية ؟؟ التصفية تكون ب 5 نفس سعر الشراء .. او اقل كمان هذا معنى التصفية .. انك بتصفي وتبيعي الزاايد بعد الربح وعشان يكون في مصداقيه لازم تكون الاسعار اقل من المتعارف عليها ...
اخيرا ... الدافع وراء التصفيات هو تغير النشاط .. او التخلص من بضاعة علي وشك الخسارة او ظروف اخرى ...ويارب ما تحتاجوا للتصفيات :rolleyes:
مزيد من الطرق التسويقية لتنشيط المنتجات .. يمكن زيارة هذا الموضوع ..
6 مهارات تجارية ::: يلا عروض وهدايا وجوائز وسحوبات وكمان تخفيضات ...
اتمني للجميع الربح الوفير
بداية / ام عبد الرحمن