كيفكم حبيباتي ............. مالكم بالطويله هذاك اليوم ذقت بطاطس لندن انهبللللللللت عليها
حسيت انها سهله مره ويمكن اذا انا سويتها في البيت اقدر اتحكم في جميع الاضافات اللي عليها
واللي ماتعرف ايش هيا بطاطس لندن انا اقللها , عباره عن بطاطس مشويه يفتحها من النص ويضيفلك
في وسطها كللللللللللل اللي تبغيه من البار سلات اللي قدامك مع الصوص كمان :p
وراح اوريكم اجتهادي ان شالله يعجبكم
اول شي غسلي البطاطس كوييييييييييس من التراب ولاتقشريها بس غسليها وحطيها في صينيه
ودخليها الفرن على حراره متوسطة اخذت معايا تقريبا ساعه وطلعت بهذا الشكل
يللا الحين انتي تختاري الحشوه اللي تبغيها انا اقلكم ايش حشيتها
ذره - جبنة تشدر مع موزريللا مكس - فاصوليا حمرا - فطر
زيتون -زبده - سلامي شرايح - برجر قطعته صغااااار
بالنسبه للسلامي عباره عن لحم يشبه المرتديللا وموجود في نفس مكان المرتديللا طبعا اشتريته شرايح
وانا قطعته بشكل طولي وشوحتو على النار مع شوية زيت الين ماغمق لونه شويه .
كريمة تشيز وهذا شكلها
ومخلل مفروم وهذذا شكله
ومايونيز وصلصلة الثاوزند
ناخذ حبة بطاطس نقشرها ونهرسها ونضيف لها زبده والجبنة المكس ونخليها على جنب(ماصورت هاذي الخطوه)
والحين ناخذ حبة بطاطس كامله مع قشرتها ونحطها في زبديه (صحن مقعر) واقطعها بالسكين من الوسط بس ماافتحها
مره بس فتح عشوائي وابعدهم عن بعض وبالملعقه احفر البطاطس بس اخلي طبقه بسيطه على القشره نفسها
ونضيف لهم ملعة صغيره زبده مع ملعقة جبنة مكس
ونهرس البطاطس مع الاضافتين ونخليهم يغطو الصحن بهذا الشكل
نجيب المشروم والفاصوليا وضفتلهم شوية حمص مسلوق (بليله) ونضيف عليهم ملعقة مايونيز مع صلصة الثاوزند
وشوية ملح ونخلطهم سوا
والحين نضيف من كل شي ذكرناه ملعقتين او ملعقه ولاتنسو من ضمن الاضافات البطاطس اللي هرسناها لحالها
واحذفي وضيفي اللي تبغيه وكلووووووو فوق بعض والنتيجه
صراحه يبنات ماابالغ طلع طعمها رووووووووووعه مشالله ............ انتو جربوها وادعولي :cook:
طبعا هذا الصحن للشخص وضروري تكون البطاطس حااااااااااااااره عشان تتسهل عليكي انك تتحكمي فيها
ونيتي يبنات اني افيدكم انها تكون في ميزان حسناتي لكل وحده تستفيد مني وينبسطو اهلها اوزوجها ينبسط
ويارب يغفرلي ويرحمني واياكم .............
دمتم بود حبيباتي