السلام عليكم ورحمة الله وبركاته
مساء الفل والياسمين
على كل حواء متزوجه وعزباء..:26:
من مده طويله وانا اقلب الموضوع براسي
وودي امحط به بينكم << المعنى اطرحه بينكم
بس كنت متردده ان كلامي ينفهم غلط
لان غالبية الناس ياخذون الامور ياابيض
يااسود..وانا مااحب خراب البيوت العامره بسبب
نصيحه انفهمت غلط...
الزوج
ايه موضوعي عن الزوج والحبيب وشريك العقل
على ماقالوا الاولين..
فعلا من المشاكل اللي اشوفها واسمعها واقراها
الرجل اندمج بالعقل بطريقه ممكن تدمر العقل
لو حصل من الرجل ادنى خلل...
هنا الغلط
وهذا سبب موضوعي..
الرجل شريك الحياة
يجب ويلزم ان الوحده تعود نفسها
وبناتها ..
ان افعاله وتصرفاته ينبغي انها ماتأثر على الوحده
وتهز كيانها للدرجه اللي تدمرها وتقضي على
اعتزازها بذاتها وانوثتها...
تزوج وحده ثانيه..ثالثه..رابعه..
مايعني انه خان..
لا الرجل من وجهة نظره يمارس حق
مشروع من حقوقه ماعليه غبار
زوجته وش بيكون وضعها؟
راح تندب حضها وتقطع شعرها
وتنوح وممكن تنهبل عادي قد حصلت..
والسبب ان الزوج سوى شي يبيه
وهي ماتبيه!!!
تجي وحده ثانيه..
زوجها دايم ع الجهاز ويطالع فهالمواقع الرخيصه
وهي تحترق وتموت
وبالتدريج تفقد اهتمامها بنفسها..
ليه؟؟
لانه اصاب انوثتها بمقتل!!!
الحريم مايدرون ان الرجال مادروا عنهم
وان هاللشي يسوونه بعيد عن تفكيرهم
مررررررره بعيد..
يسويه كهوايه شاذه ومتعه رخيصه
وابدا مالشكلك وجهودك علاقه بالموضوع..
وخذوا وخلوا من المشاكل اللي تحطها الوحده
فوق راسها علشان الزوج سوى او ماسوى..
وآخر من يدري عنها الزوج..
حبيباتي..
راح الزمان اللي نمشي على عماها
الرجل له حقوق وعلى العين والراس
ورضاه يدخل الجنه بعد رضا الله..
لكن هذا مايعني ان الوحده يكون محور
حياتها ومركز تفكيرها الرجل..
ان تزوج ماتت..
وان خان انهبلت..
وان سهر وسافر غدت مثل العجوز
اللي مات ولدها الوحيد..
بنات وحريم..
يجب انكم تفصلون بين العلاقه السليمه
والتملك..
التملك نهايته على راسك..
العلاقه السليمه الصحيه
مايصيبك منها ضرر ..
علشانكم كتبت الموضوع
لانه يضيق صدري جدا
على اي وحده رابطه نفسها بالرجل لحد
الموت اختناقاً..
ارخوا حبالكم وعيشوا حياتكم
ترى الحياة والله حلوه...
الف شكر لكل وحده اتسع صدرها لقراءة عتبي.:heart:..
العامريه @alaaamryh
كبيرة محررات
يلزم عليك تسجيل الدخول أولًا لكتابة تعليق.
تسلمي يالعامرية والله كفيت ووفيت والأدهى حبيبتي اللي تجي مدرعمة وترد تطلقي منه اللي مثل هذا فرقاه عيد وغييره وغيره تكتب الكلمة ماتدري إنها تخرب بيوت فيها ... وحدة هنا كتبت مشكلتها إن زوجها بيتزوج عليها لأنها ماتخلف يحبها ويقدرها بس بيتزوج .. لو شفت أغلب الردود تنصحها بالطلاق وإنها لازم تشوف حياتها مادام هو بيشوف حياته عاد كأنها إذا تطلقت ماراح تاخذ واحد معدد وتجي على حرمة تقهرها وتسبب لها اللي هي عايشته ... معليش يمكن شطحت شوية لكن حقيقة في عقليات تكتب هنا في عالم حواء عجيبة بالفعل ماتدرين كيف تفكر أصلا ... الله يهدي الجميع
يمكن لان الوحده تكون افنت نفسها وضحت بأشياء عشان خاطره فتريد المقابل شي يسعدها
ويمكن تنهبل الوحده لان الحريم مثلا بيعيرونها إذا تزوج عليها انها ما عرفت تحافظ على بيتها وزوجها
ويمكن تنهبل الوحده لان الحريم مثلا بيعيرونها إذا تزوج عليها انها ما عرفت تحافظ على بيتها وزوجها
الصفحة الأخيرة
بس مدرلاي وش مسوين فينا الرجاجيل
خبلونااااا
الله يعين ويصبرنا