اللي صارلي بعد الكوي ...

السلام عليكم ورحمة الله وبركاته

هذي قصتي واللي صارلي الشهر اللي فات

في شهر 3 جاتني الدوره يوم 27 ويوم 3 من شهر 4 رحت للدكتوره وكوتلي القرحه مع انها قالتي مرررره صغيره لكن قلت مايهم تكويها وارتاح بدل ما اخذ علاجات واجلس شهر ثاني استنى المهم كوتلي وجلست ثلاثه ايام الام الله لايوريكم زي الام الدوره واخس .. المهم عدت الايام وبعد اسبوع رحت لها وقالت اجلسي كمان كم يوم وارجعيلي المهم خلصت من الموضوع والحمدلله ...

طبعا طول الشهر مافي اي علاقه بيننا الاخارجيه المهم جاء يوم 27 من شهر اربعه وانا استنى الاخت تشرفني ومافي امل انها تشرف جلست اسبوع واهل زوجي كل يوم يقوليلي حللي وكل ماحد قلي حللي خلاص حطيت في بالي اني حامل واجلس اتخيل نفسي وافكر ايش راح اسوي وايش راح يصير لزوجي لمن يسمع الخبر المهم جلست عند اهلي 4 ايام وكل يوم امي تقول خلينا ناخذ تحليل وانا اقول لا ورجعت بيتي وماحللت ولمن رجعت بيتي الم فضيع كانها بتنزل وجلست اسبوع كمان ومافي امل انها تشرف وكل ماطولت صرت افكر اكثر وصرت اهتم في نفسي اكثر وزوجي مايخليني اتعب نفسي وانا وهوه مافكرنا في التحليل الا نهاية الشهر ..

المهم يوم الثلاثا اللي راح وداني عند اهلي لانه كان مشغول وقال ماراح اخليك في البيت المهم جلست عند اهلي الين يوم الجمعه وجاء اخذني لمن خلص شغله واول مادخلت بيتي جاني الم فضيع في ضهري وبطني كان الدوره جاتني وجلست الين امس اول ماقمت حللت في البيت وطلع مافي شي وجاني تحطيم فضيع لان كل اللي حولي لمن تتاخر الدوره ويعرفون يبدا الاهتمام فيه واول ماتجيني خلاص ينسوني..

المهم الالم كل ماله يزيد خرجنا انا وزوجي ورجعنا البيت ودخلت الحمام(الله يكرمكم)قلت اكيد شرفت لكن مافي شي والالم زايد وقلت ماراح اخذ حبوب او اي شي لاني مو متاكده انه مافي شي ونمت في الليل وصحيت من قوة الالم الا والاخت شرفت ..

يعني تأخرت 17 يوم مرت عليه احلى ايام في حياتي كنت احلم فيها بالاطفال وافكر ايش راح اسمي ..

المهم حبيت انكم تدعولي بالذريه الصالحه .. ولاحد يسوي زي اذا تاخرت يبني احلامه على شي مو متاكد منه لان النفسيه راح تقلب 100000درجه اول ماتنزل

واسفه على الاطاله لانه مالي احد من بعد الله الاانتم ,,,