السلام عليكم ورحمة الله وبركاته ..
طبعا لاحظت اكثر الناس يشتكون من ازعاج اطفالهم وقت النوم او نومهم مايكون متواصل
لأنه معروف نصف غذاء الطفل يكون في النوم وتزيين صحته طبعاً اخذته من امهاتنا الله يحفظهم ويخليهم لنا يااااارب
طبعاً اول ماتجيبه من المستشفى
امسكيه وادهنيه بزيت زيتون يعني بشويش بحركة دائريه من يديكي ومرخيه بطنه بشويش الين يخلص الأربعين
ابدئي امرخيه اقوى شويه وبالأخص رجليه لأنها تقوي العظام وطفلك راح يحبي ويمشي اسرع اذا عندك مكان تطل فيه الشمس يعني حقة
الصباح او الي بعد العصر خليه نص سااااعه طبعا بملابس خفيفه بدون حفاظ عشان مايتسلخ وبعدها كوني مجهزه كل أغراض الترويش من شامبو + لوشن + منشفه + حفاظه + ملابس + بربتوز +بامبرز+المهادوالرباط حق المهاد شويه طويل + بودرة السره
تروشينه بماء دافي لاحظت اكتر الناس مايروشون الطفل ينظفونه بمناديل معطره
اول مايجيبونه من المستشفى والله الي عندنا مستحيييييل يبوسون الطفل الين يتروش عاد الي ماتغسل الطفل طول الأ ربعين بمويه هذي وش تحس فيه والله المويه زييييينه لطفل تحسسه بالراحه
بعدين بعد الترويش حطي على يدك كريم اطفال ودهني جسمه وحطي بودرة السره بعدين لبسيه حطيه في المهاد وربطيه شويه بقوه بحيث مايقدر يفك نفسه هذا فقط في شهرين بعدها فكي عنه المهاد عشان يتحرك بسرعه
بعد ماتكوفلينه رضعيه بيكون دايخ وجيعان على الطول بينام حطيه في مكانه مع وضع المخده الي تعدل الراس لأنه مابيحس ولايتعبك
صح وقت ماتمرخيه او تدهنيه بزيت الزيتون حطي نقطه في فمه للحمايه من السرطانات الداخليه للجسم تراه مفيييييييد مرررررره
وإذا تعبك في اليل مايخليكي تنامين في اليل خليه ساعتين قبل لاتنامين لاينام ادهنيه بكريم جونسون بالبابونج وتعبيه بالدهن خليه يصيح شويه بعدها هو يدور النوم
اتمنى أكون افدتكم
الرجاااااااء تكفون لاتحذفون الموضوع لأن الأغلبيات يحتاجونه
تكفووووووون يابنات الي تدخل وما تبغى ترد ترفع الموضوع يستفيدون منه البنات
عشقي الخيال @aashky_alkhyal
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
الله يجزاكي خير
الموضوع جاي متاخر على عيالي بس للاستفاده