شي ماشفتوه بشهر العسل

السلام عليكم ورحمة الله وبركاته



ازيكو يابنات عاملين ايه <--- متنكره:42:


يابنااات انا صارلي شي جعللله ماتشووفه مسلمه قولوا اممممين

بشهر العسل .. وبالايام الاولى .. كنا كعادة اي اثنين سعوديين مسويين رومانسين مايروحون للبحر سوا الا بشهر العسل وعقبها لو تحبين كوعتس ماتطبونه .. لا ويقعدك من الفجر لين اخر الليل عشان يطلع من خشمك وتكرهين البحر ولا عاد تقولين ابي اروحله مره ثانيه خخخخخخخ


المووووهيم كنت اشوف ذالاجانب مبسوطين ودبابات البحر والبنانا والبراشوتات وحنا كننا ضفادع جالسين ع البحر بكل سكون ونناظرهم بس:buck:

قلتله مشتهيه اركب دباب البحر من زمااااااان .. قاللي يالله قوووه واخذنالنا واحد وركب وانا ركبت وراه وانطلقنا .. وشوي قلتله ابي اسوق:rolleyes: قاللي يالله

وماصدقت طبعا اختكم في الله خبرها اخر سواقه لها سيكل بالابتدائي وشاحذتها بعد من ولد الجيران:laugh2:


واجيك داااعسه ادوخت الرجال وراااي اسوي خمسات وافااحط خخخخخخ لا وانا افحط اقول (اوووووههوهووو<-- صوت تفحيط) نسيت اني بشهر عسل احسب اللي وراي اخوي خخخخخخ واعجبني التفحيط وهو ماسكني بقوه خايف من سواقتي المتهوره خخخخخ ويقوللي يابنت هددددي يابنت مهوب كذا(شكله يقول وشذا القرويه ماصدقت تسوق شي)

قلتله خلني اطلع اللي بقلبي بالسواااقه واختكم طاااااااااااااااايره لين رحت منطقه بعيده وانا بعز سرعتي لفيت ذيك اللفه (الا بطلع صوت تفحيط) وكانت اللفه قويه بزياده واطااالع جمبي والقا البحر يقرب .. ويقرب يقرررب .. وحنا نميييييل اكثر واكثر يمااااااااااااه لا لا واصرررخ طحنا طحنا مادرينا الا وانا واياه تشششششششش بالبحررر لا وبالمنطقه البعيده بعد والدباب انقلب:icon33: وغطسنا انا وياااه وطلعنا واشوف وجهه بوجهي واتذكر تايتنك(اووم الفضاوه خخخخخ) واشووفه مفجووووع (هو اكره ماعليه البحر والاسماك يخاف منها موت ) واقول مافيني شي انا الحمد لله لا تخاف( على بالي خايف علي) وهو بلمسه وحده قلب الدباب واقول الحين يطلعني ... وشوي قمز قمزه اسرع من البرق ... واقول ايه عشان يمسكني بيده ويطلعني.. وشوي الا تمسك هو زين بالدباب بعد ما زين جلسته والتفت علي وقاللي يالله اطعي:surprised


وانا اناظره بكل خيبة امل .. ولا حتى مد يده يساعدني وقعدت اتشعبط واطلع حقدت عليه بغيت اطيحه بالمويه مره ثانيه:mad: كل ذا خوف من البحر قدر بثواني يقلب الدباب ويركبه ولا حتى يطلعني


المهم ركبنا بسلام ونرجع للشاطئ وانا مترطرطه بخلاقيني واشكالنا مهربين .. والله والقى العالم تناظر اللي يصور واللي يضحك واللي يتابع الفلم الشيق وحنا متفشلين وشكله يقول بقلبه وتبون الحريم يسوقون بعد :(




ومن بكره وحنا نمشي بسوق وناسين الموضوع(ايه هين ) يوم جينا نركب ليموزين نزل منه اجانب شكلهم ايطاليين وشافونا وقعدو يرطنون مع زوجي وهم يضحكون يوم ركبنا قلتله وش يقولون تدرون وش قال...
































قال انهم يقولون انتم اللي امس طحتوا:icon28: