شكرا يا عسولات على ردودكم والله إتيننون ... و نور الكويت الحمدلله بيت أولادنا جريب وااايد عندنا
شكرااا وماقصرتوا

ايليزبث اردن موجود في كل المحلات .. عندج مكياج دبنهامز .. مكياج جمعيه ضاحيه عبدالله السالم .. الخالديه .. المنصوريه .. الشاميه .. القادسيه كل الجمعيات فيها ركن مكياج

وكازانوفا اليوم لقيته في محل شعبي في حولي .. شارع تونس يم الجذور و الموعد .. بس شنو اسمه ممممم الجندول .. الجدول .. ما اذكر شنو اسم الشعبي .. بس ما يضيع بالنص مابين الجذور للزهور و الموعد

اتمنى اكون افدتج

وصج ترى مكياج كزانوفا اليوم قعدت اطالع البلشارت حلوة وايد . بس مو ذاكره شنو بنات المنتدى مدحو منه اهو كحل او شدو او كريم اساس ما اذكر قعدت اطالع بالمكياج ومشيت .

مشكورره حبيبتي

مرحبا مشمشه
انا بصراحه اشتري من ماركه اليزابيث هيلين احب اشتري البودره اللي فيها لمعه احطها اخر شي قبل لااروح لاي مناسبه حلوه وتهبل


ما اطول عليج انا اشتريها من محل زلزله بالفروانيه بمجمع ابراج الدبوس عند الهندي اللي اسمه عباس قوليله انا من طرف اسماء شعليج يبتلج واسطه.......... وراح تلقين عنده ماركه كازانوفا بعد

تحياتي للجميع:-
اسووووووووووووم

مشكووووووووووره أسومه ... راعيتها والله