اللى راحت مصر

اشدعوه عاد ولا وحده ردت عليى وانا مستنيه منكم الجواب والله انا دايما اكون بالخدمه ورد على استفساراتكم الله كريم ان شالله اللى ترد عليى لها قصر بالجنه

اختي smaaa
صباح الخير ونورج في السما عالي لاتزعلين هاأنذا دخلت ورديت عليج:21:
أنا بصراحه رحت مصر مره وحده كنت في مؤتمر وكنت ادور جلابيات بس كان الوقت شتا ومافي جلابيات صيفيه في السوق ولاثياب حلوه تصلح لجونا الحار كله شتوي
وبعد دوخه لقيت في كرداسه وهي منطقه تبعد عن القاهره يمكن نص ساعه كل محلات الجلابيات هناك
اما ملابس اليهال في نص البلد:27:

هلا اختي smaaa

بالنسبه للجلابيات الكشخه فبه محل في سوق الهيلتون اول ما تدخلين يجي في الوجه عنده جلابيات حليوه و فيه في اركاديا مول اول ما تدخلين على يمينك محل عنده جلابيات حلوه و كشخه اما الجلابيات العاديه فتلقينها بكثره في كرداسه ( الشارع السياحي ) رخيصه مره
اما الجزم اعزكم الله و الشنط فتلقينها بكثره في سوق الهيلتون خاصه تقليد الماركات و انصحك تروحين للسوق الصباح لانه من العصر يكون زحمه مره ..
اما الملابس الداخليه و القطنيات عندك وسط البلد فيه عمر افندي بس شوي غويلي بالنسبه لغيره و عموما في وسط البلد محلات كثيره للملابس الداخليه ..
اما الملابس الكشخه فما اعتقد راح تلقين شيء فضيع كلها عاديه عندك جنينه مول و اركاديا مول و سيتي سنتر..

اتمنى اني افدتك :27: