الروحه مع الزوج من غير الاولاد ممله وتسد النفس

زوجى خجول يبينى انا اللي اسولف وانا عاد مدري وش اقوول:44:

وربي انى انتظر متى نرجع للبيت

مره رحنا د.كيف وجلست انتظر زوجى لين يجيب القهوه

واناظر للي جالسين وراي الا ماغير يسوولفوون:06: ماشااء الله عليهم

قلت بسوى زيهم:23:لكن من جاء زوجى ضاع كل شئ:(

لكن انا عندى فكره جهنميه:23:

نكتب لك شئ حلو مر فينا او نكت او سوالف فى دفتر صغير

واذا توهقنا نطلعه ونقتبس من اللي فيه مع اضاافاات جميله وهاات يااسوالف:32:

ربي يسعد كل البنات اللي متزوجين واللي لسى بنوتات

:26:

انا وزوجي يمكن نكون رومنسيين زياده حبتين من سنه وتسع شهور الحين

متزوجين والحمدلله الرومنسيه والحب في ازدياد قووولو ماشالله ودايم نطلع مطاعم ويكون سوالفنا عن الحب

زوجي يحب يبن حبه لي كل وقت وانا بعد ادلعه يعني مانكون ساكتين ابد فالمطعم حب وغرام ههههههههه ياعيني الرومنسيه

والله مثلنا بس التغيير اننا اربعة سنين قولوا ما شاء الله

ياحليلك...

شوفي حبيبتي اذا تبين تنطرين الرجال يبدا بالسوالف اللي توسع صدرك بالمطعم عزالله مانتي لاقيه..لان الرجال وقت الاكل عنده مقدس ياكل بسرررررعة ويالله مشينا..الى متى وانتي تاكلين اخلصي...>> هذا اللي عندهم


لكن المسؤولية عليك انتي...

ابدي حطي يدك بيده والعبي فيها..

جيبي تعليق او مزحة على اي شي .. حاولي تمزحين او تشمتين بأي موقف صار تذكريه سواء هو صار معه او انتي او كلكم عشان تصير الطلعة ضحك وفلة حاجب..( وياكثرها المواقف اللي تضحك)..

جيبي له اي سالفة خفيفة حتى لو هي صايره معك قبل الزواج ..


او علقي علىموقف حلو هو سواه مع وافتحي موضوعه..

امدحي السهرة السابقة اللي صارت وعبري عن شعورك... وامدحيه بأي اسلوب.( ترا الرجال بصفة عامة يحبون هالسوالف)...ان شاء الله فهمتيني ..ماقدر اوضح اكثر

وبالنهاية السوالف تجر بعضها...

والله يوفقك..

:26:

سولفي عن دراستك هواياتك اخوانك اخوانه
انا وزوجي بالفتره الاخيره نحلل شخصيات اللي حولنا كل مره نستلم اثنين او ثلاثه من اقاربنا ونحلل شخصيته وطريقة تفكيره وحياته الخ يعني بالعربي نحش شوي فيه ونمدحه شوي ..:27:

نتذكر سفرياتنا مع اهلنا وايش فيها وسفرياتنا مع بعض وايش فيها ..مزاياها وعيوبها ..

يعني انتي اللي لازم تتحركين وتسولفين وهو بيناقشك ما راح يطنشك صدقيني ..وبتذكرينه باشياء مشابهه بيقولها لك ..

والا اذا ما عرفتي سولفي عن السيره النبويه وسيرالصحابه والتابعين يمكن زوجك ماهو مطلع عليها كثير وبتعجبه ..صدقيني بس حاولي انك تقراين كثير وراح تطلع معاك السوالف ..اتمنى اكون افدتك .

انا زوجي عجيب غريب مايحب السوالف الرومانسيه في المطعم ولو اتهور واقوله كلمه حلوه كان من المطعم علي بيت اهلي ،،،
وله نظريه في ذلك >>>>>>>>>>> زوجي ماهو بسيط
انه لكل فعل مكان مناسب والمطعم للاكل ماهو للتغزل والرومانسيه مكانها في البيت ويكون عنده احساس انه فيه احد يشوفنا ولا يراقبنا وكأن خلق الله ماوراها الا تتجسس علينا في المطاعم ولذلك لازم نكون محترمين واشكالنا مايدل علي الريبه شكله يخاف من الهئيه ،،هههههههه
انصحك اختي تحطي في بالك قبل لاتطلعون انك ماتكونين ساكته في المطعم ولازم تتكلمين وتسولفين افتحي موضوع للنقاش سواء عام او خاص واكيد زوجك بيشاركك بالنقاش واذا خلص جيبي موضوع ثاني وحاولي تجريه بالكلام حتي يندمج معك،،
اتمني لك التوفيق ،،