الله يعطيك العافيه على هالموضوع
اتاريكم تعانون مثلي
بس انامشكلتي بنتي توهاعمرها6شهور وشايله همهامن يوم جبتها
لان من جدهالوقت يخوووووف
وانااتفق معك اخت فرفوري بكل شيء
ماعداالمكياج ماراح اخليهاتحط الابالثانوي وعلى خفيف بعداذاصارت جامعه تاخذراحتهافيه عادي
كمان الجوال عادي راح اعطيها عشان ماتحس اني حرمتهااوانهاناقصه عن غيرها بس راح يكون عائلي يعني ارقام محدده تتصل فيهم
وكمان ر اح احاول اكسب صداقتها واكون صديقه لها انشالله
واللبس تلبس براحتهااهم شيء مايكون مخالف
والله يعيناعلى تربيتهم

الله...الموضوع حلو مره...

لاني انا عندي بنت عمرها 15 باول ثانوي وبنت عمرها 13 بثاني متوسط وولد مراهق بثاني ثانوي...:27:

بالنسبه للجوال طبعا مستحيل اجيب لبناتي جوال الا اذا دخلوا الجامعه لان وقتها تكون فيه هناك حاجه للجوال...!! رغم ان بنتي الكبيره تحاول تلمح لي ان صاحباتها عندهم جوالات وهي ماعندها ومن هالكلام
وتقولي انتي ماتثقين فيه...؟ عاد انا مفهمتهم ان المسألة مو مسألة ثقه واني انا اثق بيها وانها بنتي الكبيره وصديقتي بس انا مااثق بالاخرين والحمدلله هي مقتنعه واحيان اسمح لها بارسال رساله من جوالي لواحده من صاحباتها انا اعرفها طبعا بعلمي ووجودي,,, اما الولد جايبتله جوال لانه يطلع ولازم اعرف وين راح ومتى بيرجع...

اما الانترنت...الكمبيوتر بغرفتي ويحتاجون الكمبيوتر بالطباعه وخلافه اما الانترنت لازم عن طريقي اوطريق ابوهم لاني بصراحه اخاااااف عليهم من سلبيات الانتر نت وخاصة البنات ,,,اصلا بنتي زميلاتها بالمدرسه يقولون لها انهم يدخلون شات ويشوفون مواقع فنانين واغاني على النت بس هي عارفه ان نظامنا بالبيت كذا واني اسوي كذا من خوفي عليها ...

بالنسبة للمكياج... بناتي مايحطون مكياج الا وقت المناسبات كحل وروج خفيف... والملابس يلبسون على كيفهم في حدود طبعا اصلا بنتي الكبيره احيان القاها لابسه بلوزتي والا تنورتي(نتلابس انا وهي) :17:

وعاد انا وبناتي مانخلي بعد المغرب نضبط القهوه والشاي وهات ياسواليف وهروج وضحك مايخلون شي مايقولونه عن مدرساتهم وزميلاتهم ووو....لاني خرجاتي قليلة جدا تلاقوني طول وقتي في وجيههم

وبصفه عامه الولد صار ينخاف عليه مثل البنت لان الولد ماتقدرين تحبسينه صعبه .. اخاف عليه اكثر شي من رفقاء السوء خاصة وان والده مسافر يعني المسئولية عليه اكثر شي... عاد انا ماني مخليه نصايح مباشره وغير مباشره محاضرات والله يعين ويساعد..======>قصة حياتي

وربي انشالله يصلح لنا اولادنا وبناتنا ويكفيهم شر انفسهم.... آآآآآآآآآمين

:27:

الله يهدي الجميع
والله الدنيا صارت تخوف الخراب يجي من كل مكان التلفزيون والمجلات والنت والاصدقاء
وتربية الولد اصعب لانك مستحيل تعرفين وين يطلع او مين اصدقائه يادوب تعرفين اسمائهم
والبنت اذا ارتاحت من صديقات السوء بتمشي كويس
والله اذكر بنت مؤدبه دخلت مع صديقات خربانات كانو يضحكون عليها لانها ماتكشف عن وجهها وتحط مكياج مثلهم يقولون لها صغيره انتي علشان تسمعين كلام ماما
وعرفوها على شباب وقالوا شلون تحسين بانك انثى اذا ماقال لك شاب كلام حلو:30:
وصارت الحين اخرب منهم وكل هذا واهلها الى الحين مايدرون
الله يهديها ويكشف سر هالخربانات