مليييييييت من التجارب الفاشله

مافي رد معقوله ولا وحده فيكم بتفيدني

هلا أختي بذكر لك تجربتي وان شاء الله أساعدك

انا كانت الفطائر ماتظبط معي أبد وبعد العجينة هذي الحمد الله صارت روعه


3كاسات دقيق

3ملاعق حليب بودره

فنجان شاي زيت

ذرة ملح

ملعقة اكل سكر

ملعقه اكل خميرة وملعقه بكنج بودر

طبعاً كأس لبن وكاس ماء وإذا ما تبين لبن خليها مويه عادي بس لبن يطلعها ناعمه وقطنيه


ألطريقه أضيفي جميع المقادير الجافة وافركيها بالزيت قد ماتقدري علشان تتشرب

بعدين ابدي أضيفي البن والماء يكون دافئ والسر الثاني للفطائر اعجنيها كثير لحد ما تتمسك

وشيليها واضربي فيها وارجعي شيلها واضربي فيها يعني ترجعيها نفس الصحن الي تعجني فيه

بس بقوه وخلاص غطائيها وخليها ساعه وبعدين اشتغلي فيها عادي وأول ما تخرج من الفرن جيبي

العلب البلاستيك وحطي فوطه نظيفه ورصيها فيها وبتصير روعه ان شاء الله







بالنسبة للسنمبوسه عجينتي هذي دائم والحمد الله الي يذوقها يطلب المقادير



٢ونص دقيق
رشة ملح
رشة خميرة لاتكثرين
٤قطع جبن كيري
ماء

واعجنيها وخليها نص ساعه

علبال ماتجهزين الحشوه

ممكن تقليهاو ممكن في الفرن

بتطلع روعه كذا ولا كذا

وأي خدمه امري بس وياااارب تظبط

ربي يسعك انا جربت نفس طريقتك وطلعت قطنيه وطريه بس مو هشه من برا وطعم الخميره طالع وشهي الموا داللي تساعد على جعل العجينه طريه وبنفس الوقت هشه

ياحبيبتي لاتتحطمين ولا شي جربي للمره المليووون
ياما سوينا وفشلنا لين تعلمنا
عن نفسي جربت عجاين اشكال وانوااع مااعتمدت
الا عجينه اختي اسطورة الليلك فضييييعه هشششه بشكل
ومستحيل تقسى ماشاءالله تبارك الرحمان والله اني ادعيلها
من كل قلبي وكثير بنات جربوها اكتبي بحث وتطلع لك
الخميره خذي الي عليها صورة خباز ممتازه
والي يقسي العجينه كثرة الزيت
وعشان تكون هشه اخلطي السوايل لحال بعدين صبيها عالدقيق
ترى تفرق كثييييير هالخطوه
والفرن سخنيه قبل ماتدخلينها انتي شوفي فرنك كم يحتاج عشان يسخن الأفران تختلف
ولاتخلينها تطول بالفرن مجرد ماتتحمر من تحت اطفي الي تحت وشغلي من فوق وخليكي جنبها بسسرعه تتحمر
ولاطلعتيها حطيها بحافظه واكتميها
بس انتبهي لاترطب

ووكمان في نقطه مهمه انك بعد ماتشكلينها خليها تخمر زياده يقبل لاتدخلينها الفرن يعني حاجة عشره دقايق
تطلع قطنه
وان شاءالله يارب اكون افدتك
حاااولت اساعدكي بكل الي اعرفه
انتي جربي عجينة اسطوره ورديلي خبر
لكن غيري نوع الخميره والدقيق لاتستسلمين اذا استمرت المشكله
اكيد من الدقيق ؟؟

وبالعكس ترى الفشل هو الي يعطيك دااافع لاتقولين انا ماضبط هالصنف
وتحطين عليه اكس بالعكس جربي مره ومرتين وثلاث لين تضبطينه

الله يسعدك ياجيمو وان شاءالله تبشرينا

http://forum.hawaaworld.com/showthread.php?t=2237199