طفشت من تعليقات بيت اهل زوجي ابي اي احد يواسيني

مرحبا ..
انا وزوجي عايشين في غربه و نكلم الاهل تقريبا كل اسبوع
المهم هذي اول ولاده لي و بجيب ان شاء الله بنوته .. دخلت الثامن و عندي سكر حمل و الدكتوره قالت لي احتمال انولدك بدري عشان ما يكبر حجم الجنين.
و يوم قلت لي بيت اهل زوجي انه احتمال اولد بدري قالوا لا يولدوك بدري ايش عرفهم .. و لا و عملوا قضيه انتي تبي تولدي بسرعه و من هل الكلام الي يغث.
و انا اقول انا ما ابي اولد بدري بلعكس انا ابي ادخل التاسع.. يقولون لا انتي تبي تولدي بدري دلوعه و احنا الاول ندخل العاشر و ما تقول شي. >> و لله دمعت عيوني .. يعني الموضوع مو بيدي الدكتوره هي الي تقرر ..

وشي الثاني .. انا وزوجي قررنا انسمي بينتي ألين و مره عاجبنا الاسم و مو همنا اي احد اهم شي عاجبني و عجب زوجي.
يوم قلنا لي بيت اهل زوجي .
ما عجبهم الاسم .. و كل مره نحكي معهم يقولون لنا غيروو الاسم مو حلو الطفله ما راح تحب الاسم و سموها اسم يتمسا مو ألين.. و انا اظل ساااااكته ما اتكلم و احبس دمعتي .. و زوجي يقول لي امه .. ليش مو عاجبك الاسم ايش فيه .. تقول له بس ما عجبني الاسم مو حلو و ما ابي اول حفيده بإسم ما يتسمى .. و حرام عليكم تسموها هذا الاسم الطفله بتكبر يوم و بتتفشل من اسمها >> و من هل الكلام الي يغث..
و انا ظليت ساكته و مغبونه كل مره اسكر السماعه عيوني في دمعتي من تعلقاتهم .
و أبو زوجي .. الله يهديه كل مره انكلم متأكدين انها بنت مو ولد .. و أنا اقول اي بنت الله يجيبها بالسلامه .. و يرجع يقول لي متأكدين .. يعني لو ولد احسن . و انا و زوجي انقول الحمد لله .. الي يجي من ربي خير و نعمه .. و اهم شي صحه و العافيه

يعني انا ما ادري الى متى الناس بظلوا عندهم عقده الولد و البنت .. كلهم خير و نعمه من رب العالمين

حبيت افضض شوي اسمحوا لي طولت عليكم