السلام عليكم...
انا بصراحه اليوم آخر يوم لي معاهم بس بصراحه عن تجربتي الشخصية اقول والله حسافة الفلوس اللي قطيتها .
صارلي الحين شهر معاهم مانقصت الا كيلو ونص بس وانا كنت ابي انقص 8 كيلو
وللعلم كنت بالبداية امشي كل يوم بس بعدين صرت اخفف المشي لظروفي
بس للأمانه انا كنت ملتزمه بالبدايه معاهم بوجباتهم بس لما تجي ايام يرسلون اشياء مااحبها
او احسها مو فر يش فكنت اضطر اغير بالنظام من عندي
وكنت اكلم الاخصائيه واتفق معاها عالمنيو واقولها شنو الاشياء اللي مااحبها وكنت أأكد على سالفة النظافة وان الاكل يوصلني فريش.
بس للأسف ماكانوا يلبون رغبتي ويرسلون الاشياء اللي مااحبها
مثلا الطماط ماكنت احبهم يحطونه بالسلطه لان من يوصلونه لي يكون السايق مر اكثر من وحده قبلي ومن يوصلني الاكل احسه صار متخمر طبعا فاهمين هالكلمه طلبت يلغونها بس ماكو فايده.
غير هذا كان الخس مرات يجيبونه اوكي ومرات اشوفه ذبلان وصاير بني يعني باين انهم مو مختارين شي فريش.
وحتى اكلهم كل ماتشوفه امي تقولي ريحته مخمره يعني فايتله وقت تخيلوا عاد شنو ممكن يصير فيني :(
وطلبت انها ماتحطلي بالسناك شي فيه كاكاو بس ماكو فايده احس زاد الكاكاو يعني بصراحه
شغلته نصب بنصب. وانا من جد مقهوره منهم بس الشكوى لله.
عالعموم هذي تجربتي معاهم وحبيت افيدكم فيها مو علشان ألوع جبدكم بس حبيت اعرض تجربتي معاهم واقول اللي شفته.
ويمكن غيري تقبل اكلهم او ناسبهم الله العالم.
وانا عندي عنوانهم وتلفوناتهم اللي حاب انا ارسلها له.
و والله اكل نسويه بإيدنا وتحت اشرافنا ألذ وانظف مليون مره من اكلهم وفلوس اقطها بزباله وانتوا بكرامه.
اذا تبين نصيحتي الشخصية اختي قطي فلوسج عند اخصائية تغذيه او دكتور تغذيه معروف واختاري الاكل وسويه بايدج احسن الف مره من تجربه فاشله.
ادري طولة عليكم بس حبيت افيد وأي استفسار انا حاضرة :)
وسلام عليكم
انا بالسعوديه الرياض جربتهم مرتين ممتازين ..........الوزن اللى نزلته معهم مازاد مره ثانيه .................
الان انا معاهم من شهر ونص و نرلت 7 كيلو وانا اكل كل شي منهم بااخربط اكلهم لذيذ ....موزون .......