أهم شي تحددي الوان الكوشة تتناسب مع لون المكان اللي بتكون فيه الكوشه ومع لون باقة الورد اللي بتمسكينها وفستان الزفاف .
حاولي انه تكون الكوشه ناعمه ولا تسوي فيها حركات كثيرة لانه بيضيع جمالها.

في شي استغربته كثير هو هذا:
(لأنه عندنا عيب البنت تنعرض في الخيمة أو الصالة .. تقعد في بيتها معززة مكرمة واللي يبي يشوفها يوم العرس

من جد شي غريب جدا انا لازم ارقص بعرسي بعد بالثوب الابيض :) اللي يشوفني ما ارقص ولا قاعده داخل بيقولون مغصوبه على الزواج هههههه

:) سبحان الله اختلاف العادات من منطقه لاخرى ومن بلد لاخر

الله يوفقك يا عيوني ويرفع قدرك دينا واخره :)

هلا بباقي الحبايب ..

الغالية برجيس : مشكورة وراح ازوركم إن شاء الله في قسمكم ..

أم نورة : هو عيب في عائلتي .. بس فيه عائلات ثانية عادي عندهم .. وأنا عن نفسي مرتاحة جيه .. أحس حشمة أكثر للبنت :27:

بالنسبة للألوان .. ما أعرف أي لون أختار .. يعني اللي يناسب الفستان الأبيض أعتقد بيكون الأزرق .. يعني مثلاً لو كان لون الصوفا أزرق والخلفية أبيض أو فضي مع ورد أزرق .. أو ممكن اللون الخمري أحسه وايد فخم هاللون .. ماادري اشرايكم ؟؟؟؟؟؟

اللون الازرق لون حلو جدا
وايضا اللون الابيض والاخضر مع بعض جدا راقيين لكن لا تدخلي معهم اي لون ثاني

ويعتمد اختيار الالوان على الاشياء اللي بتتوفر عندك خاصة الكرسي والارضية وكذا

شكرا

مشكورين يا حلوين ..

وبخبركم بآخر التطورات .. بعده باقي تقريباً شهر وشوي عن العرس ..

الله يتمم بخير ياااااااااااااااااااارب

فكره حلوه

نحن اذا بنسوي في البيت الملجه او حفله الحنه عادي يسوون كوشهم في البيت

انا بغيت اسوي كوشتي للملجه بروحي بس بعدين حصلت وحده صغيرة في المحل وسعرها حلو
المهم بعطيج فكرتها

انا كان عندي عمودين
بس انت ممكن تستخدمين الجدار

ثبتي حبل من الجدار الى الجدار المقابل
ونزلي منه شيفون بحيث يكون الخلفية

بعدين ثبتي على الشيفون ورد ممكن طبيعي او صناعي
واوراق الشجر تجي على شكل خطوط بالطول ( ما اعرف كيف اوضحها ) يعني من فوق لتحت

او
تفنني في الشيفون على كيفيك بالورد

//////////////
فكره ثانية اذا عندكم في الغرفة ستارة كبيرة وشكلها حلو
ممكن تاخدين شريطه شكلها حلو ومناسبة للون الستارة واتثبتين عليها ورود صغار او فراشات وورود
بس تكو نبشكل ناعم
والشريطه تكون رفيعه
وتنزلين الشرايط من فوق الى تحت على الستارة
يعني تكون مثبته من فوق بس
ونازله لتحت
بعدين حطي الكراسي امام الستارة وباقة ورد طبيعي


اتمنى تكون الفكرة واضحه واي سؤال انا حاضرة:26: :26:
ومبروك الزواج مقدما