ممكن مساعده في الكبسه

الكبسة لازم لها قياس كمية الموية والدهن
شخصيا اذا حطيت لحم ما أضيف زيت لان اللحمة دسمه

يعني قيسي كمية المويا +عطي اللحم فرصة يستوي قبل اضافة الرز تقريبا احسبيله نص ساعه بعد اضافة الماء

بكذا يطلع لك رز نثري ولين ولحمة ذاااااااايبة

وبالعافية

اذا تقصدين في الكبسه الرز مكبوس على اللحم
يعني مو اللحم لحاله والرز لحاله
فلازم تستوي اللحمه زين بعدين تكبسين الرز عليها
ويختلف استواء اللحمه من نوع لنوع شي يستوي بنص ساعه
وشي لازم ساعه وفوق
اتمنى افدتك ياعسل
واي سؤال لا تترددين
وشوفي الملف هذا يمكن يفيدك في الرز
وهذا الرابط
http://forum.hawaaworld.com/showthread.php?t=1123919

مشكورين يالغلا
انا وحده تقولي ان السبب اني اطبخ اللحم زياده عن حاجته مدري اذا صح
مع اني اعتقد ان اللحم اذا طبخ زياده بيلين اكثر ولا انتوا شرايكم

لا مو السبب طبخ اللحم الزايد بالعكس اذا طبختيه كثير بيذوب ويطلع يهبل بس يمكن تحطين الملح على اللحمه
على طول
جربي وحطي الملح بعد ماتنضج اللحمه قبل ماتحطين عليها الرز وطريقتهات اةول شي احمسي البصل والثوم بزيت

بعدين حطي البهارات الحب بعدين اللحمه وخليها لحد مايتغير لونها واضيفي طماط مطحون وصلصه وبهارات وفلفل اسود

وممكن تحطين الطماط والصلصه اول واذا تسبكت تحطين اللحمه وبعدين خلي اللحمه شوي تتسبك مع الصلصه

ثم اضيفي الماء وخليها حتى تنضج بعدين اضيفي الرز المغسول ومنقوع قبل وخليه حتى ينضج

وبيضبط ان شاء الله

يختلف اللحم..

اذا كان غنم وطازج بيطلع طري والدهن اللي فيه كفيل انه يخلي الرز نثري ولامع..

الحاشي يختلف يطلع قاسي واذا كان كبير اللحم يصير كأنه الياف..

عموما انا لاحظت اني اذا سلقت اللحم وشخلته وحمرته بالفرن وعلى مويته سويت الرز يطلع اطعم بكثير من اني اخلطهم مع بعض.