شوفي حبيبتي أنا بقولك شلون أسوي القهوه بالتفصيل

أول شئ حطي أبريق الماء على النار وحطي فيه مقدار القهوه
طبعا ماأقدر أقولك كم لأن هذا يعتمد على الأبريق بس لاتكثرين عن 3 ملاعق

بعدين شوفي إذا قهوتكم مطحون معاها زعفران مايحتاج
بس إذا مافيها
تطحنين هيل طحن ناعم بس مو مره ناعم
وحطيه في الدله مو في أبريق القهوه في الدله أو الترمس حق الدله ومعاه شوية زعفران

وبس يغلي ماء القهوة لمدة 10 دقائق على نار هادئه
صبيه في الدله اللي فيها الهيل والزعفران

وبس وأن شاالله تضبط معاك

شوفي أنا أبريقي تقريبا زي هذا بس الفضي
أحط في ماء مو النص أقل شوي و2فنجان القهوة اللي نشرب فيه عادي أحط قهوة مطحونه

القهوه اهم شي تضبط البن وحمسته
خذيه من المحمصه طازه البن نص حمسه بني وسط يعني لايكون مطحون بطاحونة بهارات ترا كثير تصير تاكدي انه جديد

جيبي بكرج القهوه وحطي فنجان ونص قهوه واربع كاسات ماء وعودين قرنفل وزعفران ابو شيبه

خليها تغلي من 20 الى 30 دقيقه

حطي بالترمس هيل مطحون وصبي القهوه بس صفيها بمصفاه على شان لاتصير ثقيله

وقدميها لاختك وادعوووولي

تحياتي

اب لعنوووووووووووووونك

انا قهوتي كلآ يمدحها وجارتي يحلفون انهم يشمونها من تحت وفي الدرج وجيراننا بدو يموتون على قهوتي..

بقولك طريقتي مره سهله اهم شي يكون البن زين يعني هرري او خولاني وحمسته وسط والطريقه هي :

تحطين في الابريق الي بتزينين فيه القهوه ملعقتين ونص قهوه وملعقه زنجبيل مطحون وملعقه ونص مخلطات القصيم مره رهيبه ما يحتاج تحطين اضفات غير الي ذكرت ابدآ ومويه حاره نص الابريق واذا انك بتملين الابريق حطي 3 ملاعق ونص قهوه وحطيها تغلي ربع ساعه بس وحطي في الدلعه او الترمس ملعقتين هيل صغيره وصبي القهوه عليها وخليها شوي وقدميها وبس وعليكم بعافيه واذا ضبطت معك ادعي لي بذريه الصالحه وانتي والمشاهدات لموضوعك...

ماقصروا البنات وتكفي صورة الدلة