قصة ولادتي الجميلة :)

السلام عليكم

عدنا بعد غيبة

الحمدلله

في يوم من الايام كان موعد ولادتي 5/12


عدا 5/12

و اللي بعده

و اللي بعده

كمان و اللي بعده

الى ان وصل 16 /12

عطوني موعد لطلق الصناعي بهالتاريخ ودخلت المستشفى 15/12


طبعا انا كنت مشغولة في الفترة اللي قبلها بالدعاااااااااااااااااااااااء

صح نفسيتي كانت زفت وكنت كله ابكي بس مع ذلك كنت ادعي واتوسل ونصيحتي لكم يابنات هذا اهم شي


المهم ،،،،،،،،،،

يوم 16/12 فبل الطلق الصناعي بديت احس بآلام خفييييييييييييييييييييييييفة جدا وكنت مستغربة معقولة تكون آلام ولادة !!

ولما قعدت حق صلاة الفجر شفت نازلي دم مخاطي

و رحت على طول قعدت امي وقتلها وقعدت تحمد الله و تقولي اكيد هذه علامة ولادة

و الساعة 6 ونص صباح قاعدة اتريق واشوف النيرس جايبة معداتها وتقولي يالله يالله طلق صناعي

طبعا انا مت من الخوف قتلها ما ابي انا باديتلي آلام

وجات بعد شوي الطبيبة اول ما حطت ايدها على بطني جاني التقلص وقالتلي ايه انتي عندج آلام ولادة بس اذا جو الاطباء المناوبين في الشفت الثاني سوي طلق احسنلج انا سكت عنها

و شوي شوي بدت الآلام تزيد الساعة 10 صباحا صار الألم منتظم كل 10 دقايق الساعة 12 صار كل 5 دقايق بس بعده مازال خفيف مايعتبر شي

المهم ،،،،،،،،،،،،،

طبعا انا كانو حاطين علي جهاز التخطيط ومبين عندهم انه في تقلصات الساعة 2 الظهرجات النرس وسوتلي فحص داخلي قالتلي انتي الرحم بعده فوق اصلا مو نازل عشان اشوف إذا في توسع او لا وتقولي هذه مو آلام ولادة انتي تتدلعلي لو آلام ولادة ما بتكوني جذي وقالتلي روحي امشي

انا هني دزيت حق زوجي مسج قتله ترا شكلي مطولة وخبرته شقالت النرس

و

طلعت بالممر وقعدت امشي و ما طولت شوي وحسيت نفسي خلاص مو قادرة امشي من الألم

دخلت الغرفة وتمددت على السرير اتألم الساعة 4 ونص العصر

امي نادت الطبيبة وجات شافتني طبيبة كافرة هندية انا كنت ميتة من الالم ابكي وهي الا اقيس الرحم وانتي تتألمين و انا ابكي و اقوللها انتظري شوي الله يخليج وهي ولا بالبال

المهم قاست الرحم شافت التوسع 4 سنت واول ما طلعت ايدها نزل الماي وقالو بيدخلوني غرفة الولادة

وفي هالحظة وصل زوجي وشافني انا بذيك الحالة دموع والم انصدم هذه توها بخير شصار فجأة

المهم،،،،،،،

دخلوني غرفة الولادة وهناك ماحسيت بالوقت اللي اعرفه انه كانت دقات قلب البيبي ضعيفة عشان كذي كانو حاطين اكسجين وسقاية و الاكسجين سوالي لوعان وصرت ارجع المهم الترجيع زين في الولادة يساعد انه الرحم يتوسع

انزييييييييييييين

طبعا انا من اول مادخلت غرفة الولادة و زوجي حبيبي على راسي ماطلع ماسك ايدي ويقرا سورة مريم ويدعي ما خلاني ابدا

صارت الساعة 7 ونص زوجي يسأل الطبيبة متى بتولد و انا اسمع قالتله رحمها الحين متوسع 5 سنت و كل سنت ياخذ ساعة في التوسع يعني يمكن تولد على الساعة 12

انا انصدمت بس ماكنت قادرة اعبر عن مشاعري من الالم

طبعا زوجي حصل تكفخ وهواش مني و الطبيبة تقولي لا تصرخي عليه و امي نفس الشي حبيبتي انا لما كان يجيني الالم كنت اثني رجولي و اتكور وهي تقولي فتحي ريولج كيف بتولدي واتا اصرخ عليها خليني فحالي ما ابي افتح ريلي فديتها و الله

المهم،،،،،،


في هالوقت كان الالم في اوجه

وصارو يعطوني الاكسجين اللي يخفف الالم اول ماحطولي قطيته وبعدين لما حسيت بفائدته جنيت

كان زوجي ماسك الماسك وقالتله الطبيبة يشوف في الجهاز مال التخطيط كلما وصلت درجة الالم 60 يعطيني الماسك

وانا كلما وصل الالم 15 اصرخ عليه عطيني الله يخليك وهو يهديني يقولي صبري حبيبتي بعد مو الحين لانه اذا عطاني اياه بتضعف دقات قلب البيبي و اذا طولت و انا اتنفس منه نفس الشي فهو كان يعطيني ى خذ نفسين ويشيله عني و انا امسكه بقوة ما اخليه

"""تخيلو انه درجت الألم ممكن توصل 150 """" !!!!!

الساعة تقريبا 8 ونص انا قمت ازفر طبعا هو شعور كأنج تبين تسوين شغل الحمام:) فاهمين صح

و الطبيبات ولا دايرين بال و انا اقول حق مرت اخوي قوليلهم هذا بروحه يصير يمكن انا بولد

راحت قالتلهم وجو وعطوني ابرة مهدئة تخيلوووووووووووووو !!:eek:

بعد شوي تغير الاستف وجات طبيبة ثانية كانت الساعة 9 الا ربع اول مادخلت شافتني و راحت تجهز عدتها وتلبس و اشياء زوجي يسألها متى بتولد قالتله الحيييييييييييييين !!!!

طبعا هو انصددددددددددددددددددددددددددم توها هذيك قايله الساعة 12 شصار !!؟ وقعد يقولي تبين انادي امج او اختج قتله لا اقعد انته بس لاتشوف المنظر السعيد اوقف عند راسي :eek: :22:

وجات الطبيبة وقعدتني و قالتلي شسوي و قالتلي الشعر باين شوفي بس ما قدرت اشوف لانه كرشي كان مغطي

المهم

في هالوقت انا الالم راح تماما ماصرت احس فيه بالعكس جاتني نومة لانهم عطوني ابرة مهدئة حتى كانت الطبيبة تقول حق زوجي قعدها هذه نايمة ،،!

المهم بديت انا ازفركلما قالتلي الطبيبة وكلما انا زفرت زوجي واعليا يسوي مثلي يشجعني :22: :42:

المهم بعد شوي قالتلي الطبيبة شوفي الراس طالع لما شفت شفت الراس منظر عجييييييييييييييييييييييييييب الى الآن فبالي شي غريب قتلها هذا حلم !!!!!! روعة عن جد

قالتلي يالله الحين زفرة اخيرة حق الجسم ولما سويت حسيت بأنزلاق ما احس الا زوجي يبوسني على راسي لما فتحت عيوني اشوف قمورتي فاطمة منورة الدنيا :) حبيبتي فديت عيونها :) وهني زوجي صور كل شي فيديو لما ينظفوها وكانت تصرخ واول ماحطوها على صدري سكتت ومن شالولها بكت مرة ثانيه كأنها عرفت اني امها :) روعة والله

المهم يابنات الولادة روعة بس اللي بعدها مو حلو التنظيف و الخياطة

الله يسهل عليكم جميعا ويباركلي بفاطمة ويحفظها :)