نكست

نكست @nkst

كبيرة محررات

.... حيـــاكم صور غــــداي المـــتواضع ...

اطباق عالم حواء

السلام عليكم ورحمه الله


تم اضافه الصور في الرد 78

اخباركم ..ان شاء الله مبسوطين ..؟؟

وش مسوين مع انلفونزا الطيور !! مشكــلتي احب الدجاج .. ونادر اكل سمك او لحم

يلا من مصلحتى اقلب نباتـــــيه خخخخخخ

المهم .. مالكم بالطويله << الظاهر بتصير لزمتي الكلاميه ,, بكل مواضيعي كاتبتها خخخخ (( من كثر مواضيعي ))

في ضحوية احد الايام .. ووالروقان واصل حده عندي << الظاهر بقص حياتي اليوميه

المهم .. احترت وش اسوي غداء .. وطرا على بالي كتاب اطباق النخبه

.. واعجبتني صينيه كرات البطاطس ولو انى عندي تحفظ على طريقه امل مكثره مقادير على غير سنع << بتنجلد ههههه

المهم قلت بسويها . وخصوصا ان عندي فهود الصعنون توه بادي ياكل .. قلت زين بالمره احس بيوم من الايام انه صار ياكل من اكلنا بما ان فيها بطاطس مهروس ..

المهم يا حلوات .. صورت لكم الصينيه .. وقدمتها مع رز ابيض وسلطه

وبعد الصور راح اشرح لكم الطرق بالمقادير ..

* صوره للصينيه توها طالعه من الفرن ههههه *



*صورتها مع صحن الارز الابيض *



*صوره سلطتي الخضراء معشوقــتي هههه *



ونسيت اخذ صوره جماعيه للسفـــره :22:



مقـــــادير الصينيه :
4 صدور دجاج منزوعه العظم والجلد .. مقطعه مكعبات
بصله مفرومه
فلفل اخضر مقطع مكعبات
مكعب ماجي
شويه ملح


الخلطه:
علبه قشطه
2 ملعقه كبيره جبن سايل
وشويه قشطه خفق المراعي .. تقريبا ملء بياله شاهي
بهار ابيض


الكــرات :
3 حبات بطاطس وسط
نصف مكعب ماجي




الطريــــقه:
بعد الغسل والتنظيف .........الخ الخ امور بديهه كل وحده بتسويها مو لازم اكتبها << عجزانه هههه



نخلط الخلطه اللي ذكرت مقاديرها فوق ونتركها على جنب..



نقطع الدجاج مكعبات تقريبا كبر حبه الزيتون او اكبر .. والفلفل البارد مثل الحجم
نشوح البصل في شوبه زيت .. الين يذبل ويبدأ لونه على ذهبي
نضيف له الدجاج ونقلب الين يتغير لونه من الوردي الى الابيض .. وتجف مويته
نخليه تقريبا على هالحال ربع ساعه كل 5 دقايق نقلب ..

نضيف له الفلفل البارد وشويه ملح مرره قليل .. ومكعب ماجي ونقلبها ونغطي القلايه و نهــدي النار على اخر شئ .. وتقريبا بتكون مويه الدجاج نشفت .. بس التغطيه بترطب قطع الدجاج والفلفل

.. نجي للبطاطس .. نقشره ونقطعهقطع كبيره .. ونسلقها بمويه ونص مكعب ماجي
الين تنضج .. وتصير سهله للهرس ..
نصفيها من مويتها ونهرسها اما بالمبشره << واشوف هالطريقه صعبه ما جربتها
او بالشوكه .. وهو افضل حــل ويسهل عليك تكوير البطاطس
بعد ما نهرسه كامــل ونتأكد من عدم وجود قطع كبيره .. نضيف له مقدار 3 الى 4 ملاعق من الخلطه .. ونقلبها ونكور بالحجم اللي تحبينه

.. ناخذ الدجاج ونضيف له الخلطه (( ماعدا شوي منها نخليها للاستخدام النهائي)) ونقلبه .. ونحطه بصينيه بايركس تتدخل الفرن ونرص كور البطاطس عليها .. ونرش على الوجه شوي جبن موزوريلا

وبقيه الخلطه بالملعقه الصغيره . نضيف على كوره بطاطس شويه للتحمير فقط ..

وندخلها الفرن من تحت على نار متوسطه لمده ربع ساعه
ومن فوق الين يذوب الجبن ويتحمر شوي ...


طريقه الارز الابيض اكيد الكل عارفها وما يحتاج شرح



السلــــطه:
1 طماطم
1 خيار
4 ورقات خس
1 باذنجان مقطع مكعبات ومقلي
خبز مقلي
شويه ملح وعصير ليمون وزيت زيتون وسماق

تقطع السلطه بالجحم اللي تحبينه ..ويضاف لا الباذنجان بعد ما يبرد من القلي
ويضاف لها الملح واليمون والزيت والسماق وتقلب .. وتترك على جنب الين تتشرب الصوص وتاخذ نكهتها مضبووووووط

وتحضر في صحن وتزين بالخبز المقلي


وبالعافيييييييييييييييييه




ادري هذرتي وشرحي كثير بس تحملوني
وما احتاج منكم الا دعوه في الخير

والطبق معروف بس التكرار يعلم الشطار واحسب حساب للي ما عندهم كتب طبخ
وممكن تبتكرين بالطبق .. اما تضيفين فلفل ملون للدجاج
او كزبره مفرومه مع البطاطس المهروس ..... والافكار كثيره
والموضوع لكم واللي تحب تنقله عليها بألف عافيه ولا تجيب طاري اسمي خخخخخ :p


وان شاء الله اكووووووون ما ثقلت عليكم


فمـــــان الله
81
10K

يلزم عليك تسجيل الدخول أولًا لكتابة تعليق.

تسجيل دخول

لهيم
لهيم
عليكم بالعافيه 00000000 سفرة دايمه
هايـــــــدي
هايـــــــدي
تسلم الايادي ياقمر
فاقده أمها
فاقده أمها
سلمت يمناك على الاطباق..
حجابي عفافي
حجابي عفافي
تسلم يدينك والله يعطيك العافيه سفره دايمه
ام-دانة_الدندونة_الامورة
تسلم الأياااااادي يارررب عزيزتي و يعااافيك على الغدا الحلووو

مشكووورة :26: