ايش رايكم يا خبيرات بهذي الفكره ؟

:27:

كيفكم يا بنات انا حابه اطرح عليكم هذي الفكره البسيطه واللي مكسبها حلو وايش رايكم ابدأفيها ؟

ياطويلات العمر انا عندي مجموعه من الجيران والزميلات يعشقون شيء اسمه جلابيات سواء عاديه او للمناسبات وتكون باسعار حلوة ومناسبه.

وقالت لي وحده من القريبات لي ليه يالورده المكنونه ما تجيبين جلابيات وتبيعينها عليهم تعرفين الحريم يحبون اللي يوصلهم لحد عندهم من العجز اللي فيهم :mad:

قلت لها اوكيه ماعندي مانع بس بصراحه راس المال ماعندي اجيب كذا موديل وكذا شكل بس على طول طرأفي بالي اني اجيب من عند محل جلابيات كميه واقوله انا ابيعها لك بالسعر اللي تطلبه وانا وشطارتي ازيد على كل قطعه السعر اللي ابيه بدون مبالغه اوجشع واعطيه مبلغه اللي يبيه وانا اخذ الزياده طبعا كل هذا بأتفاق مع راعي المحل بدون ما اغشه لاسمح الله يعني مثلا لو اخذ من عنده جلابيه ب40 ريال وانا ابيعها ب60 ريال اعطيه الاربعين واخذ انا العشرين

هاه يابنات وش رايكم في الفكره ؟؟

بنات الدمام الخبيرات اللي تعرف محل يقدر يتعامل معي بهذي الطريقه اكون شاكره لها على الاقل اصرف بضاعته اللي قاعده عنده

يالله يابنات ابغى تفاعلكم وتجاوبكم وآرائكم ..............

جزاكم الله خير