اكمل
مرة كنا رايحين للبقالة القريبة من الفندق
كنا نروح علشان نشتري اغراض وندخل النت لان نت الفندق غالي .
المهم كنا تقريبا كل يومين نروح علشان الانترنت
ناخذ نص ساعه نشيك على الرسايل ونطلع .
المهم
مرة كنا بنرسل اوراق علشان الفيزة للمكتب المسؤؤل ....
وفجأءة دخلت وحده مع طفلتها ،، طفلتها كانت في العربة ،، وبشوشة تبتسم ،، انا طالعت فيها وابتسمت
انا قلت هالحرمة شكلها عربية يالبنانية او سورية او اردنية هذي ملامحهم .
المهم جاتني وسلمت علي قبل ماتطلع وهي بابتسامتها
وسالتني اذا احتاج شي او مساعدة او أي شي
وسالتني انا من وين
سالتها هي من وين قالت من جده ،، استغربت
لهجتها مو جداوية ،، وملامحها مثل ماقلت لكم انا اصنفها سورية اردنية لبنانية
طلبت مني اذا احتاج أي شي هيي بالخدمة ماقصرت ربي يجزاها خير ويرزقها الجنه ويخلي بنتها لها ويسخر لها زوجها
وبعدين بعد مامخي بدى يفكر قلت يمكن تكون هي اللي في المنتدى اللي عطتني رابط الموقع ليش لا ،، المهم دعيت لها في سري
نرجع نكمل
مثل ماشفتوا فوق في الصورة في اليوم الخامس خذوا تحليل دم وابتدوا في يعطوني نوع الابر الثاني وهذي صورته
، وبرضوا هذي في البطن ،، وحده بجهه اليمين ووحده بجهه اليسار
الابرة اللي على شكل قلم تحفز المبيض لأنتاج البويضات والثانية اللي كرتونها اصفر
تقول للمبيض انتبه هدي بالك اشوي اشوي الان لاتفرط .
وقالوا يمكن يقللون او يزيدون الجرعه على حسب الاستجابة .
طلعت نتيجة التحاليل اوكي ولله الحمد.
برضو في اليوم السابع من بداية الابر ...رجعو للصورة فوق
خذت تحليل ثاني لكن هالمرة مع سونار ، خذت التحليل وقالت يلا على السونار ، شافت ان المبيض اليسار في 7 أكياس ماشاء الله تبارك الرحمن بس ما ادري كم بويضة فيها ،، واليمين 3 اكياس الحمد الله .
وقالت لنا النتيجة حقت التحليل راح تطلع اليوم بعد الساعه 5 العصر لان هم يخلصون اشغالهم ويشطبون كل شي الساعه خمس العصر ولا يفتحون الا يوم ثاني الصباح
المهم قالت راح اتصل عليكم واخبركم بالنتيجة
قلنا لها احنا ماراح نكون موجوجدين لان مقررين نطلع ، قالت اوكي متى بترجعون ، قلنا لهم يمكن على 6 ونص
قالت اوكي راح اترك لكم مسج وبرضو ببتصل ثانية ،، تخيلو بتتصل من بيتها مو من العيادة (( عندهم اهتمام بس للاسف مو مسلمين :( ))
المهم
قالت بعد يومين تجون تاخذون تحليل وسونار وعلى ضوءها نخبركم اذا تزيدين الجرعه او نخليها كما هي
ونبدتي اجراءات السحب او لا
رجعنا من رحلتنا على الساعه 6 تقريبا وشفنا في التلفون مسج ، صلينا وما امدى خلصنا الا دق التلفون ، الممرضة تخبرنا ان النتيجة اوكي تمام _ واستمروا على نفس الجرعه ، قلت الحمد الله .
يوم ثاني جلست زوجي على الساع 10 وربع علشان يعطيني الابر. عطاني اياها وكانت مؤلمة بشكل سوت علاممة ببطني ، لدرجه ان زوجي خاف علي ،، ومن حرارة الابرة قلت له اذا بكرة عطيتني اياها والمتني خلاص نروح العيادة نضربها ، ما ابغاك تضربها لي . :35:>>>>>>>>> طرارة وتتشرط
اليوم اللي بعدة جلسنا ورحنا للعيادة علشان ناخذ اخر تحليل واخر سونار
خذت التحليل والسونار ، قالت الجهه اليسار لسة 7 أكياس واليمين 4 أكياس ، قلت الحمد الله
قالت خذوا الجرعه حقت اليوم واانا راح اعرض النتايج على الدكتور وعلى الساعه 4 العصر راح اتصل عليكم اخبركم بنتيجه التحليل وتوصيات البروفسور وراية .
وعطتنا تحاميل وابرة التفجير وقالت راح اقول لكم التفاصيل وكل شي بعد ما اقابل البروفسور.
رجعنا البيت وضرب لي زوجي الابرة وماشاء الله تبارك الرحمن كانت خفيفة وبدون الم وعرفنا وشو اللي يسبب الالم عند ضرب الابرة ،، طريقة مسك العضلة .
المهم
جات الساعه اربع وربع تقريبا اتصلت الممرضة وقالت الدكتور يقول ان النتايج تمام
والابر اليومية وقفوهم
والعلمية راح تكون يوم الجمعة الصباح ،
يعني ابرة التفجير لازم تضربها لأم راحيل قبل العلمية ب 36 ساعه أي يوم الاربعاء الساعه 10 بالليل تضرب ابرة التفجير .(( يعني ليلة الخميس ))
ليلة الجمعة بعد الساعه 8 تصوم ام راحيل ماتاكل شي .>>>> خلصي ماجبتي شي من عندك للحين
وتصيرون في المستشفى الساعه 9 بالضبط انتوا هناك .
سحب البويضات راح يكون الصباح ... تبتدي اول تحميلة بالليل ،، مرتين باليوم مرة صباحا ومرة مساء
(( طبعا عطونا ورقة عبور الادوية ،، لان اغلبية الدول تمنع دخول أي ادوية للبلاد الا بتقرير ،، عطونا ترخيص رسمي للعبور ((بالتحاميل والفوليك اسيد))
وكررت الادوية ممنوعة كليا ، وبعد التجيع ضروري تكثر من السوائل سواء ماي عصير شاي حليب .... المهم سوائل .
عينة زوجي لازم من ياخذها ماتعدي عليها ساعه ،، وطبعا زوجي لازم انا اساعده في اخذ العيينه ،،
وقلنا مو مشكلة ساعه ،، والفندق يبعد عن المستشفى ربع ساعه تقريبا او ثلث ساعه مشي ،،
وقفنا الابر اليومية وليلة الخميس الساعه 10 بالضبط ضرب لي زوجي ابرة التفجير وكنت مرعوبة انها تالمني بس الحمد الله خفيفة مرة .ضبط زوجي ضرب الابرة ،،
يوم الخميس جلسنا الساعه 9 ونص على صوت التلفون يرن ،، اتصال من المستشفى اللي راح اسوي فية العملية .
سالوا زوجي اسالة عن بعض الامراض للتاكيد فقط لأن احنا خبرناهم بكل شي من قبل بس علشان يتاكدوون .
سالته الممرضة هل فية ادوية اتعاطاها هل ادخن اشرب .....؟
سالوة عن هل فية اكل معين نبغى نطلبة بعد العملية ،، لان بكون صايمة ،
قال لهم زوجي لا ،،خضراوات
واذا ضروري الأكل يكون اسلامي اذا كان لحوم ،،
طلبت من زوجي اني ما يكون معي شي ثمين او ما اكون لابسة مجوهرات ،، عدم رش العطور (( ياثر على جودة البويضات )) .....ومن هالتوصيات
وسالوا زوجي وين تسكن ، وخبرهم عن اسم الشارع واسم الفندق وطلبو من زوجي بعد العملية انه لازم ارجع البيت بسيارة ضروري .
قال زوجي اوكي
وقالوا لنا طبعا الترجيع راح يكون بعد السحب بخمسة ايام علشان البويضة توصل لمرحلة البلاستوسست وهذي صورتها ......
علشان تكون فرصة اكبر للاتصاق باذن الله .
(( البلاستوست الصورة اللي قبل الاخيرة رقم 4،، انا صورت لكم لكن مو واضحه جبت هذي من موقع علشان توضح اكثر ))
وهذي صور اليوم الاول للتلقيح واليوم الثاني والثالث والرابع والخامس
سالونا عن وقت نكون فية متواجدين بالبيت علشان كل يوم راح يتصلون علينا يخبرونا وشو صار بوضع الاجنه .
يوم الجمعة يوم السحب
جلست الساعه 6 الفجر صليت وخذت شاور وجلست زوجي وعلى ما استعدينا ورتبنا امورنا جات الساعه 8 .
مثل ماخبرتكم قالوا عينه زوجي ماتاخذ اكثر من ساعه وللاسف مع هالظروف وهالنفسية العيينه كانت قليلة جدا ،، بس الحمد الله .
طلعنا من البيت تقريبا 8و20 دقيقة . وصلنا المستشفى 8 و34 دقيقة تقريبا
مثل ماقلت لكم ياخذ الطريق من ربع ساعه الى ثلث ساعه مشي .
على طول دخلنا العيينه للمختبر وبعدين رجعنا للرسبشن نعمل الاجراءات .
لبسوني اسوارة دخول المستشفى
قالوا لنا استرحوا على الكراسي هنا
جلسنا الى ان جات الساعه 9 جات ممرضة نادتني ، وقام زوجي معي
قالت ممنوع دخولك
قال لها انا متفق مع البروفسور اني اكون معها الى ان تصطحبونها لغرفة التخدير ،، وهي ما معها انجليزي كثير تتكلم قليل .
قالت ممنوع ،، لكن مو مشكلة راح اكلم البروفسور واشوف وشو يقول .
ظلينا بالاستراحه الى الساعه 9 و25 دقيقة والالام عندي كلمالها وتزيد ، .
جات ونادت علينا وقالت لزوجي الان ادخل والبروفسور يبغى يكلمك
دخلنا وقالت دخلي فضي اذا فيك حمام وانتوا بكرامة .
وعطت زوجي لبس خاص للغرفة اللي بندخلها علشان دكتورة التخدير راح تجي لتسالني اسالة
وعطتني لبسي بس ماعطتني قبعه :(
قلت لها ابقى قبعه
قالت بعدين تلبسينها
قلت لها لا الان
ما اقدر اطلع كذا بشعري لازم قبعه على راسي
قال اوووة اسفة
وعطتني قبعه ،،
ولبستها
لاتسمن ولاتغني من جوع ،، بس وشو نسوي
ودتني على سرير ساااااااااااااااااااااااااااااااااااااااااااااااااااااااااااااااااااااااااخن وغطتني ببطانية ساااااااااااااااااخنه (( لاتنسوون جو استراليا ونيوزلندا هالفترة بااارد جدا ))
استانست على سخونته
المهم جابت اوراق وبعد ماخذت الضغط والوزن علقت ملفي على السرير
وزوجي جنبي طبعا
بعدين جات دكتورة التخدير وسالتني بعض الاسئلة اللي عرفتهم جاوبت عليهم واللي ماعرفتهم زوجي يايرد عليهم ياترجم لي ويسالني وارد علية ويقول لهم . >>> ادري مشوار خخخخ
بعدين جاء البروفسور وجات معه دكتورة نساء وولادة عراقية .وقال هذي راح تكون مع أم راحيل في غرفة العمليات علشان يمكن تحتاج شي قبل التخدير وبعد العملية .
سلمت علينا وعرفتنا على نفسها وواحنا بعد .هي ظلت معي وزوجي طلع للاستراحه .
في غرفة العمليات برضوا سالوني نفس الاسئلة علشان يتاكدون اني المريضة الفلانية المعنية ،
والدكتورة العراقية ماقصرت ترجمت لي ،ربي يجزاها خير .
بعد فترة حطوا لي الابرة الوريدية في يدي والاكسجين على فمي
وقالت لي الدكتورة الان راح يعطونك ابرة التخدير قلت لها اوكي وبس
ماشعرت بشي
جلست في غرفة الافاقة والآلآم خفيفة ، لكن بعد فترة كل مالها وهالالام تزيد وتزيد
ما قدرت اتحمل جاتني الممرضة وقالت راح اعطيك ابرتين واذا ماخف الالم راح اعطيك ثالثة
وفعلا خف الالم بس ماراح قالت بعطيك جرعه ثالثة علشان مايرتفع الالم
قلت لها طيب واذا رجع الالم
قالت خذي بنادول او بنادين
وفعلا عطتني الجرعه الثالثة وراح الالم
وبعد فترة رفعت راسي خلتني في وضعية الجلوس على السرير (( وطبعا لازت الى الان في غرفة الاستفاقه ))
ظليت فترة جالسة وبعدين قالت راح ناخذك للاستراحه تسترحين وتاكلني لك شي او تشربن لك شي
عطتني كيسة ملابسي وجرت الستارة علشان اقدر اللبس براحتي (( لازلت في غرفة الاستفاقة ))
لبست وودتني لغرفة كبيرة نوعا ما ،، فيها كراسي مرقمين مريحه حيل ،، وفية ركن في هالغرفة عبارة عن كاونتر يشتغلون فية ممرضات وفيها تلفزيون
جات لي ممرضة وقالت لي : وشو تبغين تاكلين سندويش عصير قهوة فاكهه ؟
انتوا طبعا تعرفون نفسية المرض ولا بعد التخدير تحسين انك بترجعين ماتشتهين ناتكلين شي
قلت لها ما ابغى شي
قالت ولا شي وهي فاكه خشتها !! لانها مستغربة اني ماكلت شي من البارحه والان الساعه 12 الظهر ولا ابغى اكل شي (( هم عندهم شيئيين مايفوتونهم ولايتهاونون فيهم الشغل والاكل))
قلت ولا شي
قالت ولا ماي
قلت له هاتي ماي
شربت وحسيت اني برجع وانتوا بكرامة ولاكملت الباقي
حاولت اشغل نفسي بشي علشان انسى شعور الترجيع واغفل عنه
الا جابوا لي زوجي ،، وجاو مرة ثانية طلبو مني اكل شي
قال لهم زوجي ماتبغى لانها تحس انها بترجع
المهم ظليت تقريبا ساعه في هالاستراحه
وبعدها جات حقت المختبر وعطتني ورقة تعليمات ومن ضمنها مثل ماقلت لكم اكثر شرب سوائل .اشرب في اليوم على الاقل من 8-7 كاسات
عدم اكل الأكل الثقيل لمدة 24 ساعه .....الخ
وقالت
قدرنا نجمع 8 بويضات فقط وبكرة راح نتصل عليكم نخبركم اللي جيدين
وكم اللي تلحقوو وكم اللي انقسموو وكل يوم بيومة راح نتصل عليكم نخبركم وشو صار بالاجنه .
وحدووا لنا وقت كل يوم مثل هالوقت راح يتصلون علينا يخبرونا بالجديد .
قلنا لها اوكي
قالت لي لاتنسين التحاميل اليوم بالليل تاخذين اول تحميلة
طلبنا منهم يطلبون لنا تاكسي ورجعنا البيت
خذت شاور وصليت ونمت
وعلى الساعه 4 وربع جلست ماشفت زوجي
طلع يجيب بعض الاغراض وعلى 4 ونص تقريبا رجع....
الساعه 9 بالليل خذت التحميلة
وطبعا خلال هالمدة كنت ادعي ربي واقول يارب ارزقني الولد يارب انت العالم ان كان فية خير لي ارزقني واذا لم يكن اربط على صدري وصبرني يارب
راح ارجع واكمل تعبت اشوية وراجعه
اكمل
مرة كنا رايحين للبقالة القريبة من الفندق
كنا نروح علشان نشتري اغراض وندخل النت لان نت...
بالابناء البارين الصالحين ولا يضيع تعبكم
الله يرزقكم
الله يرزقكم
الله يرزقكم