اختي ذكريات الامس من وين تشترين اغراضها

اختي شكواي لله..
الحكمة ماهو من وين تشترينها ..الحكمة تلقين الزين او لأ..
اجود انواع البن اللي موجود بالسوق ألحين..البن اليمني..وهذا الزين منه يكاد يكون معدوم الا اذا ربي وفقك بتوصية خاصه...يعني احد من اهل اليمن وأمين يقدر يجيبه لك..
اما النوع الثاني بن الخير وارد باشنفر وطبعا هرري..وفيه منه درجات ..الأفضل درجة اولى..
اما الهيل فالأنواع الزينه كثيرة انا عن نفسي استخدم هيل زينة لكن اللي يجي بكرتون لأن فيه
منه علب منتشر في المحلات اقل جوده..
الزعفران ما فيها كلام من المعيقلية..وتعرفين الزين من ريحته القوية واذا حطيتي شعرة منه
بين اصابعك ودخلتيها في فمك وخرجتيها تصبغ اصابعك بسرعة...

مشكورين على المشاركات الحلوه

يسلموا على الموضوع بس أنا قهوتي مثل ماقالوا البنات ماأحب أكثر نكهات فيها بس هيل وزعفران
بسألك أختي ذكريات الأمس..من وين تجيبين الزعفران الأصلي وين هالمعيقلية؟؟وهل إنتي من السعودية؟؟؟

اهلين ريريتا..انا من الرياض..والمعيقلية اسواق مشهورة عندنا هنا ..فيها مجمع للعطور من
ضمنهم تلقين محلات تبيع بخور وزعفران..
لكن بما انك من الشرقية ..حاولي تجربين الطريقة اللي كتبتها فوق لاختبار الزعفران..
وحاولي تشترين من محلات هي تعبيه مو تشريه جاهز بالعلب..
عموما العطار الزين والمضمون تلقين عنده كمية بقارورة كبيرة للي بيشتري بالوزن ونفس النوع معبيه بعلب..فهذا تقدرين تجربينه... ما ادري فهمتي او لأ...
ولا يغرك اللي يقولك ايراني ..واصلي..ومن هالكلام...ياما غشونا نشتري العلبة
ثقة بكلام البائع..لكن الآن ما اشتريه الا مجربته...