منجو
ماشاء الله لاقوة الا بالله ايه هذي النصايح الي ابيها ربي يبارك فيك ويسعدك احسك وعيتيني على اشياء ماكنت اعرفها وحاسه انها بتفيدني
الصفحة الأخيرة
من البدايه لازم يكون لك شخصيه ولازم تفرضين إحترامك عند زوجك
لا تقدمين تنازلات بالبدايه تضرك بعدين مثلا السكن لابد تشرطين سكن لحالك
ومايشاركك فيه أحد << لا تستغربين من سالفة السكن وشرط عدم المشاركه
لإنه كثير رجال يسكت زوجته بالبدايه بكلمتين ويقولها نسكن عند أهلي فتره لين تزين
الظروف بعدها إنسسسسي يعني بالمشمش يعني بتتعبين مانقلتي لبيت لحالك
الخصوصيه مهمه جدا وراحة البال والحريه أهم و أهم
وبخصوص محد يشاركك بالسكن نصحتك فيها بناء على مشاكل الأخوات هنا
فجأه يسكن أخوه ولد عمه ويفرض هالشي ع الزوجه !! لكن لما تشرطين من البدايه
ماله حق يتصرف من راسه .... أتمنى هالنقطه وضحت ...
ثانيا طالبي من البدايه يكون لك مصروف خاص هالنقطه بعد مهمه ..
بخصوص أهله نهاااائي لا تجيبين طاريهم عنده بشي شين لو شفتي منهم حركات
و مواقف مالها داعي لاتذكرينها لزوجك نهائي ...
الرسميه معهم كثير فاهمينها غلط مع الأسف !! الرسميه ماتكونين جدار صنم !!
لا حبيبتي الرسميه إنك تتكلمين معهم وتاخذين وتعطين و تتونسين بس بحدود
شي بينك وبين زوجك ماله داعي يعرفون عنه .. رحنا جينا شرينا سوينا ماله داعي
تتطرقين له عندهم ... خلي سوالفك تكون عامه ماحصلتي شي تقولينه إسكتي
لاتروحين لهم ويدك فاضيه جيبي حلا موالح معجنات كيكات مو كل مره تروحين
تاخذين معك شي لا الوسطيه حلوه لاضرر ولا ضرار مره أيوه ومرتين لا ...
أمه وأبوه أهديهم بالمناسبات مثل الأعياد ... خواته أهديهم بمناسباتهم ولا تقصرين
و أدي الواجب معهم بادلوك بمناسباتك بالمثل حلو و زين ما عطوك وجه خلاص
عامليهم نفس التعامل بدون عتب وتشره .....
أعزميهم عندك من فتره لفتره وبيضي الوجه معهم ...
و زيارتك لهم لا تكون بإستمرار حدديها على فترات يعني مره بالأسبوع حلوه
لا تثقلين ولا شي ......
بيتك خليه دايم نظيف وحوليه جنه لزوجك حتى يحب الجلوس معك ودائما كوني
مبتسمه وبشوشه وتعاملي مع المشاكل والخلافات بعقل وحكمه وهدوء
وقت الزعل وعصبية الزوج لا تتكلمين وأنتي معصبه لإنه بيطلع منك كلام تندمين عليه
إتركيه لين يهدا بعدها حلو المشكل بروقان .....
الزوج لابد بيطلع لربعه وأصحابه هالشي ماتقدرين تمنعينه لكن ماتخلين هالشي
يأثر عليك وعلى طلعاتك تكون بإتفاق بينكم ...
إذا قدم لأهله مساعده طلبوه بشغله حبو يوصلهم مكان طلبوه فلوس
نهاااااائي لا تتدخلين بهالأمور هو وأهله يصطفلو
ودائما يا قلبي صفي النيه وبتعيشين سعيده بإذن الله
هذا إلي يحضرني و أتمنى الأخوات مايقصرون بالنصايح بالتوفيق :)