الحمد لله حمدا كثيرا طيبا مباركا فيه كما ينبغي لجلال وجهه وعظيم سلطانه .
بعد معناة 5سنوات ربي اكرمني ورزقني بطفلي ربي يخليه لي
طبعا راح ابداء قصه ولادتي في موعدي مع دكتورتي وكان في بدايه الشهر الثامن
قالت لي المويه عندك كلمة زايده شويه عليها والرحم عندك مشتدد والبيبي ماشاء الله حجمه اكبر من عمرهـ
طبعا هذا كله بسبب السكر ( لان انا عندي سكر حمل وكان حيل مرتفع )
قلت يعني يادكتورة وش تبيني اسوي؟؟
قالت : اللي لازم تسوينه انه ماتاخذي من التاسع الا كم يوم بس وروحي للمستشفى اللي بتولدين فيه
واطلبي يولدونك قيصري
المهم بديت احوس وافكر وين بولد ياربي .. المهم بعد بحث واستشاره استقريت على مستشفى القصيم الوطني
اتصلت فيهم واخذت موعد مع الاستشاري د/ محمود السحيمي
ورحت عنده ,, بصراحه ونعم الدكتور اخلاق ونفسيه حلوة وياخذ ويعطي معك ويعطيك وقتك بالاستفسار وفيه اهتمام بالمريض
المهم وشرحت له وضعي وكلام الدكتوره
طلب مني يسوي سونار
المهم وهو يناظر قال فعلا كلام دكتورتك صحيح مويه الجنين زايده كثيييييييير .. والبيبي معطيني بالسونار انك في اول التاسع وانتي تقولين انك لسى بالثامن
قلت طيب يادكتور والعمل ؟؟
قال لازم اول تسوي اشعه رباعيه عشان نتطمن ان البيبي مافيه تشوهات خلقيه
لان السكر ممكن يسبب تشوهات للبيبي.
رحت وعملت الاشعه الرباعيه والحمدالله طلع كل شي طبيعي في جنيني
رجعت للدكتور محمود وقال خلاص راح ننتظر لين بس يطلع شهرك الثامن وعلى طول ولادة
المهم جلسنا نحسب وعطاني موعد دخول قبل موعد العمليه ب3 ايام
طبعا عشان ينظمون السكر عندي قبل العمليه ,, عشان مايلتهب الجرح وممكن ماينخاط
لان هالسكر والله مشكلته مشكله .. يابنات انتبه منه
انا اهملت نفسي وشوفو شنو صار فيني .. اي وحده فيها سكر انصحها من قلب لاتهملي نفسك وسوي حميه
المهم حولني على دكتور باطني وغدد صماء وهو الدكتور حساام
بصراحه هالدكتور قممه بالتعامل وشااطر حيل , وصار يتابع معي السكر لين ماولدت.وكان دايم يوصي الممرضات علي
المهم وجيتهم بالموعد وسوينا اجرائات الدخول وتنومت وصار الدكاتره رايحين جايين علي
تخيلو الدكتور حسام لازم يمرني باليوم مرتين يتطمن علي وعلى السكر
والدكتور محمود يروح ويرجع عشان يشوف تخطيط نبض الجنين ويتطمن انه كل شي طبيعي
ولا ممرضاتهم عسولات وحنوونات .. من جد كنت محظوظه في هالمستشفى
المهم وجاء اليوم الموعود وقبلها بليله جاني دكتور التخدير وجلس يسالني بعض الاسئله واخذ وزني .< عشان البنج
وطبعا الدكتور محمود نصحني بالبنج النصفي
بس انا رفضت قلت انا خواافه ومااقدر استحمل وطلبت بنج كاامل
وصمت ذيك اليله وجهزوني وبس صارت الساعه 9 ونص الصباح اخذوني على غرفه العمليات
وكان الدكتور محمود موجود وفي ممرضات ودكتور التخدير ,, وحمدت ربي اني طلبت بنج كاامل لانه الغرفه تخووف
وجلس الدكتور محمود يمزح معي يبغى يرووح الخووف مني .
وكلها 10 دقايق الا وانا غااايبه عن الوعي .. واول ماصحيت كان عندي ممرضه وكان الدكتور موجود
تحمد لي بالسلامه وقال جبتي ولد .. قلت وينه ابغى اشوفه
ضحك الدكتور وقال انتي صحصحي الحين وبعدين بتشوفينه وتاخذينه بحضنك
وبعدها بشوي اخذوني على غرفتي وكانو الممرضات معاي وشالوني وحطوني على السرير
كان في خواتي طلبت منهم اشوف جنيني الا اختي لقيتها مصورته بجوالها وقالت شوفي جنينك
اول ماشفته بكييت اخيرا شفت جنيني اخير راح احضنه وابوسه
قلت طيب روحي جيبيه ( كانو حاطينه بالحضانه ) وبعد ربع ساعه جابوه لي شالته عمتي وحطته بحضني وجلست ابوس فيه فديت خدوده الناعمه
طبعا جلست بالمستشفى اسبوع كامل عشان الدكتور قال نخاف ان الجرح يلتهب بسبب السكر
لازم تجلسين اسبوع على الاقل نتطمن على جرح العمليه .
وظل الدكتور حسام يتابع معي السكر حتى بعد ولادتي عشان جرح العمليه مايضره هالسكر .. والدكتور محمود كان كل يوم يمرني يتطمن على وضعي وان كل اموري تمااام .
والممرضات من ثاني يوم غيرو ملابسي والله كنت احس نفسي طفلة بينهن
بصراحه هالمستشفى قمه بالتعامل والاهتمااام .
طبعا تكلفت عمليتي مع جلوسي بالمستشفى بغرفه خاصه 18000ريال
يمكن المبلغ كبير بس انا مو بس ولدت عندهم ,, هالمبلغ محسوب معه الدكتور حساام والانسولين اللي كانو يعطني اياه
وبصراحه مو كبير على الراحه النفسيه اللي حسيته عندهم
مو كبير على اهتماام الدكاتره فيني وعنايتهم لي .
مو كبير على ممرضتهم الحنونات وطيباات بمعاملتهم معي
وختاما
لاتنسوني من دعائكم ربي يخليلي ماعطاني ويحفظه لي ياااارب
جوري كل حياتي @gory_kl_hyaty
عضوة فعالة
يلزم عليك تسجيل الدخول أولًا لكتابة تعليق.
nusaibaaa
•
الله يخليلك ما رزقك ربي ويحفظه ويحميه والف الف مبرووووووووووك
نوال1992
•
مبرررررررررررررررررررررررررروك عليك صبرتي وجبتي العريس
بس شو اسمو ابي اخطبه لبنتي ههههههههه
الله يخليه لك يارب
بس شو اسمو ابي اخطبه لبنتي ههههههههه
الله يخليه لك يارب
الصفحة الأخيرة