الله يصبرك يارب .. مصيره يرد لك ويرجع لك .. ولو كنتي هينه عنده ما رجعك ابدا له .. مالك الا الدعاء واسال الله ان يفرج همك ..  ودي اكتب كلام بس ما ادري ... لان الرجال سواء .. من واقع تجربتي ومن ما اشوف ومن ما اقرا .ما يفكرون بمشاعر الانثئ من هالناحية ابدا  وخاصه اذا كان قهرها من زوجة ثانية .. اهتمي بعيالك لان مالك بالدنيا الا هم والله ينصرك يارب ..

تصدقي يا الغاليه

انتي سويتي الصح برجعتك لبيتك وعيالك 

احس عندك وقت فراغ كبير وماعندك علاقات صديقات جارات تطلعين معهم 

وعيالك يغيرون جو 
ان كان عيالك كبار قوليلهم يكلمون ابوهم يطلعهم 

انتي ان جاك خلك عروس وان راح انسيه ولا تتصلين ولا تسالين 
حاولي تتجاهلينه 
تعاملي معه بنفس الاسلوب على الصامت 
فعل ومو كلام 
قومي بواجباتك وخلاص
صدقيني لو ما يحبك ما جاء لفراشك وانتي متفقه انه بعد الرجعه ما يجي 
يعني الثانيه مو مكفيته وانتي لك قدر ومعزة عنده 
ولا تسمعين للحريم اللي يشيشونك ويشحنونك عليك 

غلطت رجعتك له عمرك عشرين ثلاثين مايفرق


ياماما هذا انساااان مايستاهلك نهائيا


ليه عايشه معهم والله حياتك بدونه افضل


لاعدل ولاحب وانسان وقح والحمدلله والشكر يحب زوجته الثانيه الكبيره بالسن وومافي اي وجه مقارنه بينك وبينها



عندي لك حل واحد الحين خلص اللوم


تنازلي عن ليليتك وخل يحط لك بيت ويهتم بعيالك

ااذا كان ماتقدرين على الطلاق الحين ولا كبرو عيالك وخلصت المصلحه اتركيه وتزوجي سيد سيده وعيالك يكونون كبرو

واساسا رجعتك له غلط المطلقات يطلع لهم بيت وراتب لو قليل احسن من واحد مايشوفك شي وانتي شي ومايستاهلك


منتي مجبوره تعيشين مع واحد مايحبك بالعربي

انتي ماادبيته رجعتي له وعاملك زي اول وماخذ حقه ومايستاهل


الى متى تعتبرين نفسك ملك لهاالرجل !


انتي ماكسرتي خشمه وعلمتيه كيف يحترمك ويحط حدود مايتعداها معك خليه يعدل الحين خلك شجاعه ولو طلقك



اهلك عندك


اكيد من جو تغلين ومحبطه لكن حظك سيئ وقعت بواحد مايستاهلك


فيه شي يرد اعتبارك لو ماتبين الطلاق تنازلي عن ليليتك فتره لين يتعدل


مايجيب روسهم الا الشي هذا


وغيري معاملتك ولا تستقبلينه واسفهييييه واحقريه لين يشوف طلباتك


يبي لها ذكاء ودهاء


ولاتنسين الدعاء والاستغفار ماتدرين ربي يغير حاله معك



مشكلة الحريم بقسم الاسريه السلبيه انا اعطيك حلول ترد كرامتك وبنفس الوقت ماتخسرين حياتك كزوجه لكن خوذي موقف صارم


خلك قويه والحياة يبي لها صبر