أنت عرفت مشكلتك وأسباب هالأحساس الزائد والعصبية وحلها واضح وموجود ومقدور عليه من البشر
مو لازم تسوي عملية تكميم ، أنت بنفسك اعملي تمارين رياضي ، وسوي ريجيم غير قاسي . أكثرها سنة وتصيري رشيقة
حرام تضيعين عليك الفرصة والحل موجود بس يحتاج سعي
انظري في المرضى والمعاقين الميئوس حالهم ، لا توجد حلول علاجي تنهي أمراضهم وإعاقتهم غير رحمة الله وقدرته .
لو وجدوا لمشكلتهم حلا تقدر عليه البشرية ، لما تركوا فرصة هذا الحل مثلك .
وأنت أمامك الحل الذي تقدر عليه البشرية
اسعي لرشاقة بكل ما أتيت من قوة لتحلي كل مشاكلك واهتمي بأنوثتك من نظافة وترطيب

وزني مو كبير بشكل ملفت او مهول
لاكن اهلي كلهم نحاف يعني مايتعدى اوزانهم 55
انا الوحيده اللي صرت ب السبعينات
بس واضح علي اكثر لاني قصيره





اختي بياض الثلج

ماقدر اقتبس مشاركتك لان انتهى عدد مشاركاتي اليوم

ياقلبي ياليت المشكله بالوزن فيه اشياء ثانيه مالها دخل بالوزن

مثل العمر مثل انك ماتزوجتي وخاصه اذا كانو كل بنات اقاربك اللي بعمرك متزوجين بس انتي ماجاك الشخص المناسب

ورفضتي اكثر من شخص تعالي شوفي الكلام من زينك؟ او من صغرك مصدقه نفسك؟

شايفه وجهك قبل ترفضين؟ احمدي ربك احد فكر فيك؟

هاذي كانت بعض الجمل اللي اسمها من اهل او اقارب

غير كذا كلام الناس جدا جدا ياثر فيني يعني الحش ونقل الكلام دايم يوصلني كلام

اني حاسده فلانه عشانها متزوجه وانا ولا على بالي هالبنت او فلانه تقول فيك كذا وكذا

او عندي وحده بالعائله تكرهني بدون سبب السبب الوحيد لان علاقتي قويه مع عمتي وهي ماتبيني مع عمتي ابد تبيها لحالها لها

فدايم بكل جلسه بالعائله ترمي كلام زي ماكملت دراستي واني فاشله او مو متعلمه لانها هي جامعيه

او مثلا خواتي ماشاء الله كلهم جميلات انا صراحه عاديه لاكن هي تطلعني قدام الناس اني شينه وقبيحه مقارنه بخواتي

يعني بكل جلسه لازم تجيب هالموضوع مستحيل من يوم اقابلها ماتجيب طاري اشكالنا انا وخواتي وتقول سبحان الله وشلون انتم خوات

ماتشبهين لهم ابد لايصيرون غلطانين فيك بضحك استهزا لاكنها هي ذكيه تجيب هالكلام هذا بمزحه وانا اعرف انها ودها تفشلني قدام عماتي

وهي ملكه جمال جسم وبياض وشعر وعيون والله دايم ادعي عليها يبتليها بنفسها كانها بهالحركات بتقهرني

يعني ربي عطاها مال وجمال وتعليم وزوج

وش تبي فيني انا اللي لامال ولا جمال ولا تعليم ولا زوج تقهرني بحركاتها تغار مني على ايش بفهم لانها انانيه وتبي الاقارب لها لحالها

قولي لاي احد يلمح لاصار رزقي بيديكم قولو هالكلام .. صدقيني بينطمون سوا من الكلام المباشر ولا التلميح .. و جسمك حاولي وراجعي مع طبيبة تغذيه تشوف هرموناتك و الغذاء المناسب لك .. الله يوفقك وتلاقين بعض المتزوجات تقول ليتني ما تزوجت .. محد مرتاح

سكتيهم لاتبينين لاحد ضعفك مثل قريبتك ذي اذا قالت كلام قولي ايه والله خواتي جميلات الله يحفظهم واعتز فيهم واذا طولتها قولي وانتي جميله غير اهلك اخاف لاقينك بزباله ههههههه او قولي الجمال جمال الروح وربي الخالق خلك مبرده لاتتضايقين ينقهرون والله وحتى اهلك اذا قالوا عانس قولي هذا رزق من الله وحاولي تغيرين نفسك تضبطي

دامك فاضيه بالبيت سوي لك برنامج كامل لجسمك وشعرك وبشرتك واستمري عليه سنه كامله لا تخلينه ابد ولا تستعجلين النتايج وبعد السنه خففي هالبرنامج بأشياء روتينيه يوميه
اقري عن انواع الرجيمات وطبقيها كلها لا تيأسين وحللي عن الغده والهرمونات شوفي وش ناقصك وخذي فيتامينات
ارقي نفسك كل يوم واقري البقره
كل ماسمعتي كلمه تنرفزك عطول روحي توضي هذا افضل علاج وان استطعتي صلي بعد ورددي هذا الدعاء مجرب (ياقوي يامتين أبدل ضعف قلبي قوه ياارحم الراحمين)
اوصيك بصلاة الضحى هي حل لأغلب المشاكل النفسيه والجسديه والدعاء الدعاء الدعاء
خلي عندك عزيمه وقوه وغيري من نفسك
الله يفرج همك