صبٰـاااح الخير يا صبايا ...
آاهه 😓 من أمس للحين مو راضيه تبرد حرتي قلت مالي غير حبيباتي افضفض لهم يمكن ارتاح شوووي
🤕👇🏻
اللي صار لي امسٰ كرهني بالطلعه ورجعني للبيت مع إن الاجواء كانت تجنننن بعد المطر ولا احلى وعاد انتم ادرى بأجواء الطائف
بس بعض البشر استغفر الله يسدون نفسك بشكل غريب 😷
تخيلوا يابنات واحنا بالحديقه وتعرفون الاطفال يلعبون في المراجيح والزحاليق ومبسوطين وانا أتمشى بينهم بما اني حامل وع وجه ولاده قلت الفلف منها أستفيد ومنها انتبه لبنتي وهي تلعب طفشت مسكينه وهي تزحلق تبغى المراجيح وواوديها لمرجوحه الاطفال الصغار اللي زي الكرسي واجلس انتظر حول الخمس دقايق انتظرها تنزل ولدها والحرمه متصنمه عند المرجوحه ولا هي معبره وقفتي وكرشتي وحالتي💔😩 وارجع أخذ بنتي واحاول الهيها بشيء ثاني ع ماينزل هالولد والله يابنات اني رجعت لها مره ثانيه يمكن بعد 5دقايق ثانيه واسلم عليها قلت بينزل الله يحفظه وشايله بنتي ع كتفي لانها تبكي الا هيه تشاور ولدها ابو سنه ونص مدري كم اذا بينزل والا باقي😓🔫
وارجع اروح الفلف ببنتي لين قرب اذان المغرب وربي الشاهد إنّو ع وشك اذان يعني صار لولدها مو اقل من ساعه والحديقه زحمه المفروض تقدر وقفة الاطفال وهم ينتظرون ادوارهم وارجع لها والاقي المحروس زوجها واقف معاها وتروح بنتي تجري جهه المرجوحه تقول هذي ياماما والله مامداها تكمل الا ويخبط الكرسي براسها وتطيح عالارض واجي اجري زي المجنونه واشيلها من الارض وربي انا مو شايله نفسي خفت لايكون صار لها شيء وأغسلها بالمويه واسمي عليها ويجوني كم حرمه يطمنون عليها الله يسعدهم الا هيه جايتني بكل برود صار لها شيء ؟!وسمي عليها مو زين احنا حزة مغرب !!وانا في نفسي اقول الله يعدي هاليوم ع خير وترجع تمرجح ولدها ولا احساس ولا تأنيب ظمير ماصدقت ان الصلاه تخلص ويطلع بابا من المسجد ونرجع البيت
ياناس ياعالم ترى هذولي أطفال لا تزرعون فيهم الانانية والكراهيه يعني لو نزلت ولدها وخلته يجرب لعبه ثانيه وخلت الاطفال يلعبون بالمرجوحه ورجعته بعد شوي وخلت الدور يمشي بدل ماهي محتكرتها لولدها اللي مايدري وين الله حاطه 😴😴😴 كان الولد اتسلى اكثر وشاف وجرب لعبه ثانيه والأطفال اللي يستنوا لعبوا بدل ماهم طابور مساكين ذكروني بالمقصف وقت الفسحه😂
وبس والله الحمدلله اني رجعت ببنتي سليمه ودعواتكم لي بولاده ميسره ربي ييسر جميع اموركم
شفآفة المشآعر @shfaf_almshaaar
عضوة جديدة
يلزم عليك تسجيل الدخول أولًا لكتابة تعليق.
ياخت شفافه احسني الظن انا زي هالحرمه اذا رحت مراجيح عيالي اذا ركبو فيها ماينزلو واذا حاولت انزلهم يرفضون ويبكون واستفراغ وحالتهم حاله المفروض لما شفتيها كان رحتي وخليتيها وحاولي المره الجايه تنتبهي لبنتك ترى خبطة المراجيح قويه ومو كويسه لها لا تخلينها تقرب منها
أنا مره رايحه ألاعب ولد أخوي صادفت رجال مع بنوته والله محترم يدفعها بشويش ويجي ولد أخوي ويلعب معها عاد أنا إنحرجت وخليت أبوي يجلس عند ولد أخوي والرجال وأبوي دقو حنك وأخذو قهوتي بعد ههههههههههه بالعكس فيه عالم محترمه وفيه عالم مغسول وجهها بمرق لو منك ركبتي بنتك وقلت يالعبي بنتك ياخلينا نلعب بزرانا هذا اللي يقولون ندلع بزرانا ع حساب غيرنا لو ملاهي خاصه أوك بفلوسك بس حدائق عامه الله يصلحهم بس
والله ماادري وش ضروفها او وش قصدها او يمكن الولد معيي بس في نااااس من جد تعتبر الحدائق العامه ملك لهااااا والألعاب لعيالها بس
LEENZ
•
انا عن نفسي مااحب المراجيح اذاهي مليانه اطفال. ..أحس اوفيه عدوى راح تنتقل بينهم بسهوله...الله يسهل ولادتك ولاتنسي الاستغفار
الصفحة الأخيرة
طيب احتمال انه ولدها من النوع اللي مايسكت وماصدقت وسكت في المرجيحه انا عن نفسي اذا شفت زي كذا ماعاد افكر ارجع للمرجيحه خلاص لانه بعض الاطفال نشبه
مره كنا بمنتزه في الباحه وبنتي تبغى تلعب في المرجيحه واخوها كمان بس كل المراجيح مليانه وانا واقفه قدام المراجيح بالزبط فقلت لها خلاص العبي بباقي الالعاب واذا فضيت المرجيحه اناديك طبعا المراجيح كان فيه منها ثلاثه جنب بعض وفيه اثنين وانا واقفه قدام الثلاثه والظاهر كانو الثلاثه اللي عليها اخوات او قرايب المهم وحده من البنات نزلت من المرجيحه وانا ارسل بنتي الكبيره تنادي اختها عشان تركب الا وحده من البنات اللي يتمرجحو مسكت المرجيحه وجرتها جهتها قال تحجزها للبنت اللي نزلت الين ترجع وماسكتها بقوه قلت لها حبيبتي بنتي بتلعب شويتين وتنزل وماهي راضيه ماسكتها وانا بديت اعصب لانه من جد حركتها تنرفز وكلمتها بحزم لانه المره الاولى طلبتها ورفضت قلت محد راكب فيها غير بنتي تفهمي الين تجي اختك سيبي المرجيحه وسابتها وبنتي لعبت وتعبت وهذيك لسه ماجات هيا ايش رايك على بالها بتمسك المرجيحه ساعه ونص
وقبل اسبوع كنت بملاهي مغلقه للاطفال وفيها جوه نطيطه وفيه اخوان اولاد وبنات مسووين رباطيه ممنوع احد يدخل معانا النطيطه واللي يدخل بينهم يبداو يسبوه ويتكلمو عليه ويدفوه وجت وحده من البنات تشتكي لحارسة الباب والحارسه راحت تنادي المشرفه وراحت كلمتهم ياتلعبو سوا يااخرجكم برا وسكتوا بس تحسيهم يستغلو اي فرصه عشان يدفو او يضربوا والمصيبه تلاقي الام جالسه ع الكراسي تتفرج ولاكأنه اولادها يسوو حاجه عاااادي ولما تتكلم المشرفه تنقز لك زي الاسد طيب امسكي اولادك عن اولاد الناس والا اخرجي انت وهم برا
فلاتزعلي حتلاقي من هالاشكال في كل مكان كبار وصغار