السلام عليكم ورحمة الله وبركاته
شخباركم بنات شلونكم انا بقول لكم معاناتي مع السمنه
شوفوا انا تقريبا من صغري شوي متروسه بس ماكنت متينه ويوم كبرت وايام الثانويه بالتحديد كله قعده ودراسه وبلعه لين ما صار وزني يتراوح من 80 الى ان يصل 90 كيلوااااااا وانا طولي 160
صراحه معانات كنت اشوف رفيجاتي وخواتي يلبسون اللي يبون انا لا:( استحي اطل ولو اني مو متييييييينه حييييييل بس هم متينه واذا شي عجبني ما الاقي مقاسي :16: و اذا فيه مناسبه استحي البس ضيج فقلت لازم انا احط حدددددددددددد يعني اهم شي الاصرار
ليش اهم اضعف مو احسن مني وليش اشوف ناس متان يضعفون وانا ليش ما اضعف اول كنت اقول انا عاجبني شكلي بس كنت اقص على روحي لين ما انخطبت قلت لازم انقص حق العرررررررررررررررس :D
اليكم الزبده بنقااط:
اولا: شريت جهاز مشي وقمت امشي فيه يوميا اقل شي نص ساعه واذا ماعندج جهاز مشي امشي بالحوش بالبيت بتمشي اي مكان بس المشي جدا مفيييييييد وياريت المشي السريع شوي
ثانيا: وهذا اهم شي قمت اطالع شنو اكل واحرص على روحي مثلا ما امنع روحي من شي واذا بخاطري ببككاو اكل نص الككاو عشان لا احرم روحي وبعدين افرط فيه
ثالثا: اكل ثلاث وجبات بسسسسسسسسسسسسسسسسسسسسس وعلى قولت ابوي تفطروا فطور ملوك وغدا امراء وعشا فقراء يعني الريوق اكلي اللي تبينه بس انتبهي اذا بتاخذين خبز اخذي اللي بالنخاله الاسمر افيد ولازم نص خبزه مو كامله وحطي اللي تبين فيها مربا عسل زبده لبنه بيض..الخ وعصير برتقال وحليب او لبن او شاي والعشا سلطه او عصير وصمونه صغيره وفيها اي شي انا احبه بس لاتفرطون بالخبز والصمون وايد والغدا اكلي ايدام (لحم-سمج-دياي) وسلطه وعصير بس لازم تشوفون شنو تاكلين واذا اكلتي اكثر من الازم تعاقبين نفسج بالمشي تمشين مده اطول
رابعا واللي اهو الاهم شرب الماء بس مو بأي وقت يعني قبل الريوق بساعه وبعد الريوق بساعتين وقبل الغدا والعشا..ألخ وهكذا
خامسا: لاتقيسين وزنج كللللللللللش الا بعد فتره يعني شهرين او ثلاث وبتلاحظين الفررررررررررق
الخلاصه يا بنات انج تاكلين شوي نص بطنج وتحددين الاكل اللي تاكلينه واذا فرطي بشي عاقبي روحج بزياده من وقت المشي واهم شي قبل النوم ما تكونين ماكله الا قبل ساعتين على الاقل
وصراحه انا وزني كان 84 قبل العرس وقبل زواجي بسبوع قسته ولا وزني 68 :) والكل لاحظ وتعودت معدتي على الاكل الخفيف وافيد صراحه
واذا تبون النظام اللي كنت اتبعه بحذافيره يعني شنو ريوقي وشنو غداي وشنو عشاي انا حاظره بس اهم شي الخطوات اللي انا قلتها ويمكن بنات مايحبون الاشياء اللي انا اكلها او يبون يغيرون من جذي انا ذكرت لكم على نقاط بس لو تبون النظام اللي انا سويته ومشيت عليه انا حاظره وانا بطبقه ورا الولاده بأذن الله
والسلام عليكم ورحمة الله وبركاته
7aNeeN @7aneen
عضوة نشيطة
الرجيم اللي سويته قبل عرسي نقصني تقريبا 16 كيلوا واليكم الرجيم وصراحه سهل وايد
42
10K
يلزم عليك تسجيل الدخول أولًا لكتابة تعليق.
ايه بالله عليج حنوونه
نبي النظام الى مشيتى عليه
لانى انا تقريبا ابي انزل نفس ما نزلتى 15 كيلو
قولوا ان شالله وادعوووووووولى احد يشجعنى
نبي النظام الى مشيتى عليه
لانى انا تقريبا ابي انزل نفس ما نزلتى 15 كيلو
قولوا ان شالله وادعوووووووولى احد يشجعنى
الصفحة الأخيرة
ومشكوووووووووووووووورة على نصايحك..