الى كل من دخلت أدب الانجليزي -اتمنى تفيدوني-الله يوفقكم

حبيبتي

إذا انت تحبين الإنجليزي

توكل على الله

ولا تنسين الاستخارة

والانجليزية مهمة

تحتاجينها اكثر إذا سافرتي خارج دولتك

شوفي يالغاليه انا تخصصي لغه انجليزيه وادب بالتحديد من كلية الاداب بكل صراحه تمنيت اتخرج بلبل بالانجليزي بس للأسف الدراسه تركز على الادب وبس مع اهمال المحادثات واللغه العاميه يعني حفظت مصطلحات ادبيه وتخرجت هو صعب وغير مفيد لك كلغه يمكن الجامعه احسن بالتدريس وخاصة الترجمه والله يوفق الجميع

الله نفس مشكلتي

وعليكم السلام ورحمة الله وبركاته ،

سالفة سهل أو صعب تعتمد عليك أولاً وأخيراً : تحبين الانجليزي؟ تحبين الأدب؟ < أقصد قراءة روايات ومسرحيات وقصائد

أما بنات شاطرات وحملوا بالأربع مواد مو مقياس تقسين نفسك عليهم + سؤال شاطرات وين؟ بالثانوي؟ ترى الثانوي يركّز عالقواعد والقواعد بتكون مادة ممكن ينجحون فيها بس يرسبون بغيرها

أنتِ عندك استعداد تطورين نفسك؟ تقرئين بالانجليزي؟ أو عالأقل تبدئين تقرئين بالانجليزي؟ مجلات وقصص أطفال مبدئياً إلى حد ما يتطور مستواك أكثر وأكثر

كل شيء يبدأ صعب و مو معقولة بتكون أول مقالة كاملة تقرئينها بالانجليزي وبتفهمين كل كلمة فيها .. بس بتفهمين من السياق ومع التكرار بتعرفيها وتصيرين تستخدمينها بعد.

اذا بتعتمدين على المصطلحات اللي بتتعلمينها أكيد بيكون أغلبها أدبي < أقرب مثال افتحي لك الحين قاموس أدبي وشوفي هالكلمات تستخدمينها بالحياة العامة أو لأ .! بس مع كثرة القراءة (سواءً الروايات أو المسرحيات المنهجية أو قراءاتك خارج المنهج ) ان شاء الله بتتطور لغتك.

تبين نصيحة ؟ تعودي عالقراءة من الحين وابدئي بالمواضيع اللي تحبينها عن الأزياء عن الرياضية عن الالكترونيات أو أي شي تحبينه ..
تبين لغتك تتطور ؟ لا تعتمدين عالقسم اللي انتِ داخلته اللغة عربية كانت أو إنجليزية تبي ممارسة ..

الله يوفقك ويكتب لك الخير ( =

لا عادي حتى بنات اللغه العربيه يحملون اربع لانه من كثرة البنات الي تعشم في الدراسه يعني توكلي على الله ولافي دراسه سهله اني مخلصه كليه والان ادرس صيدله الكل شعمني وقالي لاتدخلينها صعبه والله انها حلوه