مسااائكم ورد شخباركم ان شاء الله بخير :26:
اليوم جايبه لكم موضوع مهم وحابين نتناقش فيه مواضيعي مو من نسج الخيال
مواضيعي اقتبسها من العالم اللي حولي وشي اشوفه بعيني
وحابه بصراحه افيد أي وحده جاهله بهالاشياء انا عن نفسي استفدت اشيااء كثيره وحابه افيدكم
ندخل بالموضوع اللي هو اهتمام الوحده بنفسها من يوم تنخطب تبدى تهتم تجمع بالخلطات او تسوي برنامج عروس وتبدى تهتم بالبشره وبكل شي من راسها لاصابع رجليها حتى المناطق الحساسه تحوووس وتدور حتى تطلع اللي يخليها ثلجه هههههه
تشتري من الملابس والعطور والجزم اكرمكم الله والشنط يعني بالمختصر تجهيز كامل
ويلا تنتقل لبيت زوجها وكل شي تمااااااام اهتمامها بنفسها وبيتها وريحة الغرفه وريحة المفارش وكل شي لمدة شهرين او سنه بالكثير وعقب تبدى يقل اهتمامها بنفسها وبيبتها وبالاخص غرفة نومها
خطا هالشي الوحده المفروووووض تهتم بنفسها وتحافظ على هالشي من يوم تدخل بيت زوجها لبين اخر يوم بعمرها بعد عمر طويل عشااان زوجها خلاااص يتعود ان هالانسانه تحب الاهتمام بنفسها عشان لو بكره قلتي ابي اروح مشغل اعمل بدي كير اواصبغ مايتفاجا خلااص يكون عارف وضع زوجته انها من النوع اللي تحب تهتم حتى ببيبتك لو حبيتي تغرين او تشترين شي جديد او مفرش جديد والله يعينه على المصاريف بس عادي الزوج على مايتعود وصدقوني هالشي راح يبسطه اذكر لان الزوج ترا يحب الحياااه ويحب اهتمام الوحده بنفسها وبيتها
والطامه لما تحمل خلاااااااص تنسى الدنيا ومافيها حتى زوجها تهمله انا عارفه ان الحمل شي متعب بس خليك محافظه على نفسك في ارواب وبرمودات وبيجامات حمل مررره ناعمه وقطنيه يعني بارده عليك عشان حر الحمل ههههههه البسيها والبسي شحاطات نعومه برجلك ريحتك حلوووووه شعرك مرتب
غرفتك خلي الفواحه شغاله فيها وراح اعطيكم اسماء زيووووت عطريه روووعه ريحة مفارشك خليها دايم نظيفه غيرها كل اسبوع ولنا حديث ايضا بهالمووضوع بالتفصيل
بعد الولااااده وانجااب الاطفاااال للاسف بعضهم تنقلب ميه وثمانين درجه يصير اهتمامها باطفالها بس وبلبسهم وكشختهم وهي للاسف ولا شي لااااااااااااااااااااااااااااااا خليك وسطيه بينك وبين اطفالك اهتمي بنظافتهم ونظافتك لاتهتمين بنفسك وتهملينهم ولا تهتمين فيهم وتهملين نفسك ولنا نقاااش بهالنقطه بالمواضيع الجايه
انا استغرب بصراحه بعض الحريم خلاااااااص تهمل نفسها لااا خليك محافظه على اناقتك ولبسك وكشختك حتى اذا طلعتي عند النااااااااااس خليك دائم عروووووس بكل شي حتى لو لاحظتي تغير بشعرك او بشرتك او حتى المناطق الحساسه لو لاحظتي تغير فيها او تغير لونها اهتمي فيها لا تهملينها بعضهم للاسف حتى هالمنطقه خلااااص تهملها انا تفاجئت بقرائتي لاحد المواضيع في احد المنتديات واحد يشتكي يقول زوجتي ماتهتم بنظافة المنطقه خبري بالحياه من سنه من زواجنا كلااام من جد يحزن ويخجل
خلااااااااااااصتي خليك دائم محافظه على اناقتك وجمااالك عند زوجك لا تهملينها خليك داااائم عروووس لو تنجبين مية طفل لان الحي يحييك والميت يزديك غبن
دعواااتي الصادقه لكم بحياه سعيده ودمتم بود
وانتظروني بمواضيعي الجايه:26:
يلزم عليك تسجيل الدخول أولًا لكتابة تعليق.
ملاك روحي h
•
مو ضروري اكون طول الوقت زي ماهو يحب اذا شافني ع طول كذا بيمل الرجال
جنى عمري
•
كلامك صح بس والله احيانا مع الحمل والاولاد وبالذات لو حملك صعب تكرهي حالك يعني لازم يتعود الرجل ان في اوقات تمر على زوجته تهمل شوي بحالها بس مو بالنظافة اقصد يعني مو لازم 24 ساعة 7ايام بالاسبوع تكون عروس والله انت قلتي وسطية احسن شي وبشكرك موضوعك ذكرني ان لازم اجدد ولو حامل وتعبان بس خلاص احس التجديد يفيد النفسية
سامحني طولت
سامحني طولت
الصفحة الأخيرة