اسأل الله ان يسهل على كل حامل وان يرزقها الله بالذرية الصالحه
كامل الخلقة سليم معافي
انا قبل 3 شهور كنت نفس حالتك بحث ودوران عن افضل المستشفيات
ومسهلات الولادة
عشان كذا قلت انزل الموضوع للاستفادة
وما ابغى إلا دعوة حلوة منكم ...
الحمدلله ولادتي كانت سهلة وميسرة .. وهذا كله بتوفيق الله والتوكل عليه
وعدم الخوف وكثرة التفكير والتشاؤم ...
لان هالامور تؤثر على الولادة وتعسرها سبحان الله
اهم شئ الراحه النفسية وعدم التوتر الزائد عن الحد
وكل شئ تساهيل من رب العالمين
ولادتي كان يوم 20 / 5 جاني احلى ثموري ربي يحفظه ويخلية ليا ...
وهيا كانت ثاني ولاده ...
وسبحان الله نفس اعراض ولادتي الاولى ونفس التوقيت بالضبط
يوم 19 بدات معايا نزيف بسيط مجرد قطرات دم وهذا من اقوى علامات الولادة
بس كانت بدون الم
مجرد مغص بسيط جدآ
ليت العشاء ورحت امشى بحديقة الامير ماجد اخذت ليا لفه ونص تقريبآ
بعدها رحت اكمل اغراض البيبي والنفاس وانا مافيني إلا العافيه ... \ماغير اكاسر مع ذا البياعين ...
خخخخخخخخخخخـ اللي يشوفني مايقول طلع
ولا بعد رحنآ تعشينا بمطعم الطازج
شوفوا الروقان بسسسس ... :hahaha:
رجعنآ البيت وضبط الشنط وكل شئ تمام التمام ..
زجي يستنى يجيني الطلق وانا مكانك سر ... :biggrin2:
لين ماطفش وراح نام ... وانا قلت فرصه اطقطق على عالم حواء شوي
على الساعه 3ونص قلت خليني اخذ لي غفه الظاهر اني مطولة
نمت لين الساعه 6 على مغص متقطع
وكل ماله يزيد
صحيت زوجي واتصلت على امي ربي يحفظها عشان تسوي ليا حليب بقرفة
تحممت ولبست قميص مريح وملابس داخليه قطنيه ...
وانا في الطريق للمستشفى كل ماله الالم يزيد
طبعآ وقع الاختيار على مستشفى بقشان بجده ...
اول مادخلت ماعجبني الطواري متهالك والبوية مقشره
وحالتها حالها بس يالله اهم شئ الدكتورة والنيرس ...
فحصتني الدكتورة المناوبة وقالت واحد سانتي :confused::slider:
لكن خلاص تنويم
وزوجي عاد لما قالت تنويم طارح من الفرحه ... حانت ساعة الصفر ... :unhappy:
طلعت فوق لسبت روب المستشفى
وركبوا ليا المغذي
طبعآ انا عاملة كل التحاليل من بدري الحمدلله ...
بعدها بساعه اخذت المحلول الشرجي اكرمكم الله
لين الساعه 10 وكل ماله الالم يزيد لكن الطلق بارد شوي
اخذت لي ملعقة عسل مع كوب حليب بقرفة
وقمت ادور شوي بالممرات
وكل من شافني يناظر فيني بنظرات حزن :unhappy:
تعب ورحت انام قلت الظاهر مطولة يازين النوم بس
طبعآ نوم كله منغصات مو زي نوم المتعافي
وامي ربي يحفظها نايمة بالكرسي جنبي وكل شوي يجيها اتصال يسألوا ولدت ولا لسى .. :hahaha:
طبعآ العائلة كلها درت ان عندي طلق من الليلة الماضية
خخخخخخخخخخخخخخخخخ
الساعة 12 ونص فحصتني المناوبة قالت 5 سانتي
يالله ولادة
يؤ يؤ يؤ :eek:
عاد ذيك اللحظه حسيت اني داخله معركة
خخخخخخخخخخخخخخ وحالة استنفار
بغرفة الولادة دخلت معايا ماما ولبسوها زي روب العمليات حق الولادة
وحطوا ليا محفز بالمغذي مرره حلو
يحمي الطلق مره وحده وخلال 5 دقائق يصير الطلق ناااااااااااااااااار
وكل ماتجيني طلقة اسحب من الكمامه وادخل بعالم ثاني
ياربي ذا الكمامه نعمه وربي
وتخفف الالم كثيييييييييييييير
لين جا وقت خروج الراس دخلت عليا الدكتورة ... وهيا الدكتور نانسي استشاريه مررررة عسولة
طاقم النيرس كلهم سعوديات ربي يسعدهم اخلاق
وبدأت مرحلة خروج الراس والدف تعبت شوي في الدف ماكان عندي قوه
ادفف شوي واتعب
ويرجع الراس يدخل ثاني
وها الشئ غلط
المفروض تدفي مره وحده وبدون صراخ
لان الصراخ يضيع القوه في الصوت
بعد 6 او 7 دفات خرج ثموري للدنيآ
وحطوه على صدري ولمست يده وراسة بيدي ثواني وغفيت ....
ولدت تقريبآ الساعه 1 وربع مو متأكده بالضبط
طبعآ الخياطة تجميلي وتضييق
وكانت رائعه
ومرره ماتعبتني بنفاسي الحمدلله
ولدي كان 2 كيلو و 700 غرام وزن طبيعي ... والمفروض يطلع مع اول دفه بس وش نقول على الدلع :biggrin2:
نجي للمستشفى
الدكتورة نانسى 10 / 10
الخدمه 5 / 10
النظافة 7 / 10
التكلفة 6000 ريال شاملة
.. غرفة درجة اولى ( حضانه للنونو ) كشفيه للنونو بعد اسبوع
وهذي مواضيع ليا عن بحثي في المستشفيات وتجهيزات الولادة
http://forum.hawaaworld.com/showthread.php?t=3594824
http://forum.hawaaworld.com/showthread.php?t=3597535
