كلام وحده نصحتني هنا الله يسعدها ،، قصتي

السلام عليكم ورحمه الله ....
صباح الخير
بما اني استفدت من هالمنتدئ كثييير ودايم ادعي لكم وله فضل علي في امور كثيره خصوصا انا قبل نجهل وامهاتنا الله يهديهم خلونا ع الفطره مو مثل الحين وحلو الواحد يتعلم المهم بدخل بسالفتي ع طول انا كنت قبل من قبل خمس او اربع سنوات ادخل هنا اتابع واتفرج بدايتي بس مو مسجله بمعرف ادخل واستفيد واقرا المهم جا مره وحصلي موقف اتعبني وسالفه صارت لي ضايقتني كثيييير وسببت لي ازمه نفسيه وانا من النوع الي مااشكي لاحد نهائي طبع فيني المهم كانت السالفه منغلقه علي مرررررره وخلاص مقفله قلت ليش مااسجل في المنتدئ واستشير واشوف مع ان موضوعي قافل معي وجارحني المهم قريت كيف اسجل وسجلت ودخلت بمعرف انجليزي ومدري كيف كنت جاهله بامور التسجيل المهم كتبت سالفتي وسبحان الله سخر ربي لي وحده نصحتني من قلب وقالتلي كلام للحين مانسيته وكنت مقفله وكارهه الدنيا هي فتحت كل شي في عيني والله العظيم مااكذب عليكم ان الضيقه راحت وانها فرجت عني هم وكرب كبير لللحين مانسيت كلامها ولاضقت تذكرته توسع صدري وللحين ادعي لها وانا مااعرفها الله يسعدها ويوفقها من حيث ماكانت المشكله اني طلعت من المنتدئ انحذف المعرف ماسويت حفظ بيانات وضاع المعرف وكنت جاهله بالطريقه وكنت ابي ارد عليها ماقدرت صحيح مارديت عليها بالمنتدئ لكن رديت عليها بصلاتي ودعائي لها الله يوفقها ويفتحها بوجهها والسالفه لها خمس سنين بس للحين في بالي ولها اثر عظيم الله يجزاها الجنه ويسعدها وخواتي المسلمات وفعلا يابنات صدق من قال لاندم من استشار ولاخاب من استخار الواحد اذا قفلت عليهم الامور يستشير يمكن يفتح الله له ع يد غيره مع اني مافكرت اني بلقا لها فرج وكنت متباعده القا رد يريحني بس سبحان الله بعض البنات ردودهم بلسم ع القلب ودواء لهموم الوقت والزمان الله يسعدهم حيث ماكانو ويفرج لهم مثل مافرجو لمسلم والمشكله نسيت اسمها بس ربي يعرفها والحمدلله اولا واخيرا وصلئ الله وسلم ع نبينا محمد