بنااااااااااااات تعالوا شوفوا ايش صار معاي

يا بنات أنا جربت خلطة السفيد أب مع ماء الورد اللي كتبتها أحد الأخوات الله يسعدها ويوفقها ويجزاها خير لكن زودت من عندي عصير ليمونه وصار الخليط زي الكريم السائل وفردته على كامل جسمي ووجهي وانتظرت حتى جف وهو بسرعه يجف وكنت مجهزه الساونا وحاطه عصير برتقاله وعصير 4 ليمونات والقشور حقتهم وجلست فيه ربع ساعه وخرجت وانتظرت حتى يجف مره ثانيه وفركت بالليفه المغربيه وبعدين فتحت المويه وما أشوف الا ينزل مني لون رمادي وهو عباره عن الخلطه والظاهر الجلد الميت لأنو طلعت زي القشور بعدين غسلت بصابونة الجلسرين بصراحه كان حمام راااااااائع وحسيت بإنتعاش وبعد ما طلعت حطيت زيت جونسون على كامل جسمي .

وهاذي أول مره أسوي خلطه وأحس بنتيجه وأكيد مع الاستمرار يفتح لون البشره .
بنوتات الله يخليكم اللي تجرب الوصفه وتطلع بنتيجه حلوه لا تنسى تدعي لصاحبة الخلطه الأصليه وتدعيلي براحة البال .

ملاحظه: أنا بشرتي جافه جدا بس ما فيها مشاكل الحمد لله المشكله الوحيده هي الجفاف وطبعا بعض المناطق غامقه واللي ما ترتاح للخلطه لا تسويها عشان ما أشيل ذنب أحد.

وسلامتكم