كيك آرامكوا

طريقة ناجحة جدا
هاتي خلاط الكاس حطي فيه اربع بيضات واخلطي طبعا مع شوي خل او فانليا بس الخل احسن وبعدين وقفي الخلط وحطي ثلاث رباع كوب زيت وشغلي شوي ووقفي وحطي سكر نص كوب او اكثر حسب ماتحبي نسبة الحلا فيها وعلبة قشطة او (كوب حليب ) واخلطي وخلصنا بعدين
صبيه في زبديه كبيرة وانخلي عليه كوب وشوي دقيق مع بيكنج بودر ملعقة وشوي كبيرة
واي نكهة تحطينها يعني تبين تمر تحطين كوب تمر منقوع مع هيل وقرفة مع الخلاط في البدايه
اذا تبين برتقال حطي بدل القشطة كوب عصير برتقال
اذا نبين كاكاو حطي مع الخلاط كوب كاكاو بودر
ممكن تحطين جزر مبشور ومكسرات وتمر
اي شيء اهم شيء الاساسيات

4بيضات +ثلاث ارباع زيت +علبة قشطة +وسكر في الخلاط

كوب وشوي دقيق وبيكنج بودر تنخل على الخليط
اتمنى افدتك طريقتي هذي معتمدة من سنين للكيك والله يمدحون الكيك اللي اسويه

مشكوره أختي وان شاء الله باجربها
بس كم مقدار الطحين انتي قلتي كوب وشوي يعني شكثر

جزاكم الله خير...عندي كيك ارامكو ولاعرفت لة ...

جزاك الله خير

هلا والله اموووره :)


ماقصرت اختي شرهة يدي على طريقتها .. وانا بعد باضيف طريقتي للكيك ..

عندج الله يسلمج ويعافيج المقادير ..
- 1 كوب سكر
- ثلاث ارباع كوب زيت
- 2 كوب طحين .. نصيحه حبيبتي استخدمي طحين المطاحن الكويتيه شي رهييييييييب مع الكيك .. ماتدرين شنو السر اللي فيه يخلي الكيكه هشه وناعمه .. ماشاء الله طحين ماعليه كلام <=== تسوي دعايه :42:
- ا كوب حليب
- 4 بيضات
- 3 ملاعق صغيره بيكنغ باودر
- 1 ملعقه صغيره فانيليا

الطريقه حبيبتي
في الخلاط تحطين البيض وتخلطينه .. بعد ماينخلط تضيفين السكر والفانيليا وتخلطينهم بعد وبعدها الزيت والحليب وتخلطينهم واخر شي الطيحن والبيكنغ باودر وتخلطينهم وفي صينيه مدهونه بالزبده او الزيت والطحين وفي الفرن وفيه الف عافيه يارب

احنا ساعات نحط فيها هيل وزعفران وسمسم تطلع عجيبه مع القهوه .. وساعات نسويها رخاميه نذوب نسكويك في قلاص فيه شويه ماي .. وعندج عاد انتي تتفننين فيها مثا ماتبين :26: