بسم الله الرحمن الرحيم
اليوم سويت رز صيادية مع نوعين من السمك الصافي والميد اول شي بهري السمك بعد تنظيف بطنه بملح وبزار بحريني وبزار ماسالا وفلفل اسود وفلفل احمر وفلفل مجروش وثوم بودر وكركم وشوي زيت زيتون وخلطي وخليه ساعتين
والحين نجهز لرز الصيادية احمسي كمية من البصل 3 بصلات لين يصير لونهم مايل للسواد يعني مو فحم ههه
حطي علية شوي ماي وخلطية بالخلاط
جهزي دهن في جدر وحطي عليه ثوم مدقوق والبهارات الصحيحة ورق غار هيل قرفة قرنفل واقليها شوي
حطي شوي معجون طماطم ومعجون البصل وكم راس سمك وخلية شوي
وحطي مكعب ماجي وبهارات بودر قرفة وفلفل وبزار وخليه لين يتفتف راس السمك ويعطي نكهة حلوة للرز
عقب صبي عليه ماي وخلية يغلي ربع ساعة وصفي المرق ورجعيه للقدر يغلي وضيفي علية الرز وخليه يغلي لين قرب ينشف الماي وطي النار وغطي الجدر
وفي ذي الوقت اقلي السمك وهني جهز معاي
وتفضلو معانا على الغدى
ريحة الرز رررهيبة وتهبل مع السمك المقلي ..........عوافي ....العنووووود
عوافي ع قلوبكم