السلام عليكم ورحمه الله
بنات ارجوكم لاتضحكون علي بس والله اني فرحت باللي سواه لي زوجي ومدري ليش انا فرحت
البارح يابنات جتنا عقيقة ابن حماي اخو زوجي , انا قلت لزوجي كلمة مرة حلوة مدري كيف طلعت مني مو لاني هبله والا دفشه لا بس لان كلمتي كانت تلقائية مرة وجت بوقتها
عاد قلت لزوجي عقبال منت تسوي عقيقة لولدنا والله يابنات انه تغير وجهه وابتسم وبعد صلاة العشاء جاء وكانت فيه مباراة كنت افكره بيجلس يتابعها مادريت الا ويصمت الصوت ويقولي يلا البسي بنطلع ويجلس يحتريني لحد مالبست وطلعنا سوى لانه دايم كان يسبقني على السيارة وانزل انا اتخطف والحمد لله انبسطت البارح وكان معي رايق كانه واحد ثاني .
انا الحين جالسه افكر هو ليش سوى كذا يعني هو ناوي يتغير والا انا حزنته والا ايش مدري والله
صح البارح ناداني بام نواف اول مرة يقولها والله يابنات حسيت قلبي بيطلع من صدري فهموني ليش سوى كذا
واقوله نواف اللي هو اسم الولد اللي قاله يقولي ايه والا مو حلو انا في العمل ينادوني ابو نواف
اول مرة يقولي هالكلام لانو دايما ينغص على الطلعة هذا اذا طلعت
البارح لا كان رايق ويسولف وانا اضحك سبحان الله ممكن عشان كلمتي انا احس كلمتي اثرت فيه
يلزم عليك تسجيل الدخول أولًا لكتابة تعليق.
لسسعة شقاوهـ
•
عساه دوم الفرح ، وعقبال ماتبشرينا ب نواف ي ام نواف ....
يارب دوم يكون مبسوط معاك
وعقبال ماتشيلي نواف وتفرحو فيه
لاتنسيني من دعواتك بالذريه الصالحه
وعقبال ماتشيلي نواف وتفرحو فيه
لاتنسيني من دعواتك بالذريه الصالحه
الصفحة الأخيرة