السلام عليكم ورحمة الله
اخواتي الحبيبات اولا الحمدلله على كل حال ان اصابتنا حسنه من الله وان اصابتنا سيئه فهي من انفسنا
هذا حبيباتي يوم الجمعه الصباح حلمت اني مسافره لباريس ((مرة واحده )) واجهز انا وعيالي للسفره
وابونا ماراح معانا واصحى من النوم وانا مستانسه وفسرته لنفسي انه خير يارب وتغير من حال لحال
ان شاء الله طبعا انا صليت الفجر وقلت الاذكار واستودعت نفسي واولادي رب العالمين :(
ولدي عمره 12 سنه له كم يوم يبي يروح للجيران يلعب مع عيالهم وانا رافضه ماني مرتاحه لانهم مره اشقياء:42:
وانا ماخلي اولادي يطلعون من البيت كثير ويختلطون مع احد لكن كان يصر بطريقه عجيبه وبكاء وصياح
قولت رووح قول لابوك ووافق له وليته ماوافق بس الحمدلله على كل حال :44:
قاله ساعه واطلع هو واخوه الي اصغر منه ويروح يجلس من 4 العصر الى المغرب7 ولا اخوه يجينا يراكض
يقول ان اخوه طايح بالحوش وماقادر يقوم وانزل اخوه الكبير يشوفه الا ويجيني وجه معتفس يقول شكله طايح وكتفه مكسور
انا بغيت انجن واجري لابوه وانا اصيح ويقوم يشوفه ولا الولد خائف من ابوه اكثر من الطيحه ويشيلنا على المستشفى بعد صياح ومطالبه لانه زعل منه
المهم يابنات وادخل الطوارئ وانا اصيح بالدكاتره ويجون يشفونه ويسوله اشعه ويلقونه مكسوره ذراعه العضد:icon33:
وكسر غريب بانحراف حاده العضمه مكسوره بزاويه حاده وخايفين تكون قطعت من العروق ولا الاعصاب
وانا اصيح وابكي طبعا ابوه خلاني بالمستشفى ورجع ويسولوا جباره مؤقته لان في عمليه الصباح تثبيت الكسر بالمسامير لانه في مرحلة بلوغ ولازم تثبيت الكسر زين عشان الاعصاب والعروق:(
اه يابنات والله مر عليا يوم جدا جدا صعب وبكاء والكل يهدي فيني الدكاتره والممرضات ويهونونها علي :44:
واتنومنا لليوم الثاني ويسون العمليه الظهر لان جدولهم زحمه واحنا خاشين حاله طارئه بس الحمدلله
على كل حال واجلس لحالي انتظر من الساعه 1 الى الساعه 4 العصر وانا اصلي وادعي له لانه كان خائف:icon33:
ويبكي الله يهديه ويعافيه والحمدلله طلع من العمليات وطلعونا غرفتنا والحمدلله يابنات على سلامته واليوم طلعنا من المستشفى طبعا المسامير مابيفوكنها الى من 6شهور لسنه وخلوها على الله هذي الاجازه والسفريه لباريس :09:
انا وجهي باريس حدي البيت من غرفه لغرفه ادخل واخرج لكن الحمدلله على كل حال
والله يابنات اني مستودعتهم الله والحمدلله ماجات على راسه ولا وجه لانه طاح على مكان حاد وصبه مرتفعه
ادعولي يابنات ان الله يشفيه ويهديه من العناد الي براسه ونقدر نروح اجازه لان ابوه حلف مانروح اجازه لاهلي :(
وسامحوني طولت لكن حبيت افش خلقي واعلمكم ان تنتبهون لعيالكم بالاجازه من اللعب والشقاوه الله يحفظهم يارب:(
المتفائله بأحلامي @almtfaylh_bahlamy
محررة ذهبية
يلزم عليك تسجيل الدخول أولًا لكتابة تعليق.
الشبلية
•
طيب مو شرط ان الحلم له علاقه باللي حصل والله اعلم
والحمد لله على سلامة ولدك والله يخليه لك
والحمد لله على سلامة ولدك والله يخليه لك
الصفحة الأخيرة
اسأل الله له الشفآء العآجل
كذا الاطفال بهالعمر الله يهديهم
ضروووري الطيحآت والكسرآت ..
ان شاء الله ربي يعوضك سفره لمدة شهر في مكه
خلي بآريس وع مو حلوه <<<< تواسيها خخخ