شوفو وش لقيت في بوك زوجي حسبي الله وكفى

السلام عليكم ورحمة الله وبركاته




القصه صارت يوم السبت رحت البنك انا وزوجي وبنتي عمرها سنتين

وطبعا المحروس طلع البوك بياخذ شغله ولاحظت عنده بطاقه حقت الشريحه تبع stc عاد انا طارت عيوني وخفت قلت بيني وبين نفسي شكل الرجال مطلع شريحه ثانية ويكلم ويغازل وانا غافله. وشكلة بيتزوج وقمت اهوجس وقررت اني تكتشف سر البطاقه .............. كل هذا صار في ثواني هههه

المهم سالته انت مطلع شريحة ثانيه قال لا. انا طبعا ماصدقت قلت. طيب ليه معك كرت لشريحه ثانيه وهو التزم الصمت مارد شغل السيارة ورجعنا.


وانا فيني صيحه و كنت بانتظر اقرب فرصه وامسك محفظته واطلع الكرت واكشفه واوجهه.

وجاتني الفرصه لما راح يتسبح واجيكم ناطه اطامر واسابق الريح واناظر يسار يمين ويدي ترجف وافتح البوك وافتش والقى البطاقه واسحبها.





تدرون وش لقيت











لقيت بطاقه لموظف من stc وعليها رقمه يعني كرت عمل عليه ارقام الرجال وايميله وكذا لكن من فوق شعار شركة الاتصالات وتفشلت من عمري ههههه وتطمنت ورجعت كل شي مكانه



ان بعض الظن اثم ومع ان مو من عادتي تكون نيتي سيئه في زوجي لكن قسم الحياة الأسريه اثر علي هههههههههه

وحزنت شوي من موقفي لان هذا مو من عادتي ولا من مبادئي وتذكرت مبدأي بالحياه وهو قوله تعالى






قال تعالى:
(وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34).


هذا مبدأي بالحياة ودايم اذا تناقشت مع زوجي اقول له ادفع بالتي هي احسن ونتحرى الصدق في الناس ونبدأ كل شي في الحياة ونيتنا صافيه والحمد لله ربي معطيني راحت البال. ودايم اتحرى الطيبه والصدق في الناس حتى يثبت عكس ذلك







طيب بتقولون وش المطلوب هههههههه



المطلوب كل وحده تكتب وش مبدئها في الحياه اما آيه او حديث او حكمة





اتحفونا