بنتي حيرتني وخلتني انا وابوها في دوامه من تصرفاتها

السلام عليكم يا امهات انا بنتي عمرها سنتين وشهرين .. من لما كان عمرها 3 شهور كنت احطلها طيور الجنه وانا اروح اشوف شغلي كان كلامي معاها قليل وفضلت على هالحال الين اليوم تحب التلفزيون شي مو طبيعي ولي اسبوع مانعتها منه بس متعبتني حتى المسلسلات تتفرج معي حتى الدعايه ياريت لو احد نصحني ولاقالي لاتخذيها على التلفزيون المهم ماتتكلم كثير ماتقول غير ماما بابابورتو براعم هيا هلا ربي الله ااكبر بس طبعا ماتنطقها صح وتصلي معايا ولا مع ابوها تقلدني اول كانت تقول ننا مام يعني حمام الحين ماصارت تقول ولما اناديها ماترد ابدا والحين علمتها هاتي والغرض احيانا تعطيني واحيانا لا قليلة حركه ولمن انشدلها تنشد معاي وكل كلامها خرابيط واحيانا سلكته تعبتني خايفه عليها يكون عندها طيف توحد لانو لو تبغى شي تجي تمسك يدي وتوديني للشي اللي تبغاه مثلا لو جيعانه تمسك يدي وتوديني المطبخ ولمن ادخل توقف تستناني اتكلم يعني ماتروح للثلاجه او اي مكان لا على طول توقف في مكانها او تروح تفتح الدولاب تلعب بالصحون احاول احطها بحضني اكلمها ترمي نفسها تبغى تلعب بس ماشاء الله عليها اجتماعيه جدا وتحب الناس وذكيه لاقوة الا بالله وتحب الايباد بس مانعتها من التلفزيون والالكترونيات ابغاها تتكلم تجيب لي الريموت وتقول بلاعم يعني براعم وافتحلها بس الصبح ساعه بس تشوف كرتونين وانتهينا يعد شهر ان شاء الله بدخلها حضانه والسبت ان شاء الله لي موعد بسويلها تخطيط سمع وكمان عند دكتورة تخاطب فهل بنتي طبيعيه ولا انا وابوها فينا وسوسه لانه هو قلق وانا قلق يرحم اهاليكم طمنوني هلي هيا فيها طيف توحد ربي يبعد الشر عنها وعن جميع الاطفال ولا كلها وسوسه من كثر ما اقرا بالنت ريحوني