موضوع جميل واسلوبك في طرح الموضوع أجمل ربي يسعدك

لما كانوا أولادي صغار مشاكلنا أقل لما كبروا كبرت المشاكل وكره المسؤولية
والطلبات وازعاج الأولاد صار طاير مع أصحابه ولا يحب سيرة طلبات
أو شي خربان أو نحتاج أغراض ..

البيت يحتاج أشياء ضرورية لكن للأسف مو مهتم فيها أهم شي عنده يبعد عن المسؤولية ويرفه نفسه يا بسفر أو طلعة مع أصحابه يتعشوا مع بعض ويتونسوا ولو قلت له احتاج الشي الفلاني يأجل ويتحجج انه مشغول او لما يستلم ويقول ماعندي وفجاة تطلع الفلوس لو عنده سفره او اي حاجة تخصه ويسوي الشي اللي ابغاه بعد طلوع الروح هذا إذا ما يأسني منه وكرهت اكلمه فيه! مشاكلنا انه يهمل أولويات ويقدم ثانويات المكوى خربانة كلمته قبل يومين اعتذر انه مشغول في عمله بعد ما انتهى دوامه كان في وقت يشتري مكوى بس راح مع أصحابه مطعم فخم ومارجع إلا لما قفلوا المحلات اليوم كلمته قال تعبان تعرفوا المكوى ضرووووري في البيت كنت ابغى أكوي ملابس المدارس أخذت من جارتي مكوى بشوف اليوم لو ما اشترى بنزل الملابس للمكوجي وعليه يدفع لين لوحده يتحرحر ويشتري و يشوف نفسه خسر وطلع قيمة المكوى وهو يدفع للمكوجي صعبة كل يوم اطلب من جارتي ولو جلست كل يوم آخذ منها بالنسبة له عادي ولا بيشتري إلا بعد سنة يمكن !!!( فهذا اللي يسبب مشاكل أصحابه كل يوم مقابلهم وكل يوم يتعشوا مع بعض ع حساب أوقاتنا وحقوقنا! ) وانا خلاص طفشت وصرت اطنش ولا عاد اسوي مشاكل إلا إذا طفح الكيل أو انقلب المزاج وفي المقابل هو إنسان طيب وخلوق هذا اللي مصبرني عليه وكمان لأن بيننا أولاد اقول حرام اعيشهم في نفسية ومشاكل : ( دعواتكم ربي يسخره لي ويصير يهتم في بيته واولاده ويترك تعلقه الزائد باصحابه ويصير انسان يقدم الأوليات قبل كل شي.

الحمدلله حياتنا هاديه ولا نعرف الهواش ......... نختلف بس ماتوصل لهواش .. انا حريصه ان مايكون بينا هواش لان اكره الزعل والهواش ما احبه خاصة بين اشخاص مقابلين بعض وعايشين مع بعض مثل الزوجين وبينهم علاقه قويه موشي سهل وغرفه تجمعهم .. يعني اذا جرحو ببعض وغلطو على بعض وكلن طال لسانه كيف في النهايه يتقابلون القلب يشيل مهما كان فسهل الواحد يعتذر بس الجرح اللي صار مين يداويه .........وهذا الكلام قلته له اول ايام ملكتنا ومكالماتنا وايدني وحرص انه مايوصلنا لهشي ابدا ........
اذا اختلفنا نختلف بسبب العيال وتربيتهم لكن ما اتمسك برايي انا اعترف اذا غلطت بسرعه واعتذر وهو بعد واقول رايي وانا اقول ايوه صادق كلامك صح بس انخاف يكون كذا فودي ننتبه لهذا الشي وانت ماتقصر بالعكس ملاحظه حرصك الله يخليك لنا ... امدح واسايس بهداوه ههههه .... اذا فجئه شفت جاي من برا وماله خلق وهذا نادر ..... انا ابتعد عنه واخليه ياخذ راحته لحد مايتعدل مزاجه وابعد العيال ولعبهم وصراخهم عنه عشان مايحط خلقه فيهم لان اكيد دامه جاي متضايق بيدور احد ينفجر عليه وانا منتبه لهذا الشي .......وهو يشوفني اسوي كذا ولاحظ وصار يستحي ويروق ويروح غرفته .....

واول اختلاف بينا كان بسبب عيالنا وتربيتهم ...... فا أنا اشوف المرأة عظيمه اذا فكرت بعقل واخذت الدنيا بسهاله وتحتاج لرجل يساعدها على هالشي وللاسف اشوف خوات ودهم يتغيرو لكن ازواجهم مايساعدونهم ... والله يعينهن ويصبرهن ويكتب لهن الأجر .....

موضوع هادف و جميل يا ماما
جزاك الله خير و نفع بك

الخنقات والهوشات واجد بس ماذكر تفاصيلهن به وحدتن ناشبتن بمخي للحين ماطارت :biggthump
جيت مرتن ادرس ولدي تالا الليل عليه اختبار ونايم كل الظهر وقلت بما انك بتسهر علي القلهي والهبال والسوني اممش ادرسك واقعد اسمع له وابو الشباب:arb: نايم
وبه طبع اذا نمت لازم كلن ينام علشان تقومون نشيطين واذا قمت لازم كلن يقوم علشان تنامون بدري بيمشينا علي نظامه
المهم قام الولد من عندي علي الساعة الواحدة صباحا بعد منتصف الليل راح ينام
وادنخر انا علي الجوال واثرة علي طلعت الاسد قصدي الزوج العزيز :baby2:
وشافن قاعدة عند الدفاية ومدنخرتن علي الجوال وماسمعت كلامه ونمت بدري لكي اصحو مع العصفور
علي باله جالسه كذا مادري اني قاعدتن ادرس الولد النجيب الي من اول سؤال وهو يسوي نفسه ينود من النوم :lookaroun
المهم الاخ وش سوا من شد العصبيه مانطق ولا بحرف رجع وسكر باب الغرفة وقفل علي نفسه :mad:
واروح ارركض عاد انا خفت وقعدت اطق وقال روحي روحي خلي الي بالواتس ينفعونتس :ohmy:
يحسبن عند الواتس مادري اني احوس بينكن واخذاتن عقلي :biggthump
عاد انا ماعدني مشكله انام بالصالة بس ابي الشاحن وخفت اقول له طيب عطن الشاحن قلت هالحين يجلدن بوه
واروح وافرش فراش بالصالة جنب الدفايه وقدام التلفزيون
بس بقي الشاحن يانشبه وابحث وانقب الادراج درجا درجا واللقي سلك قصيير وادبر راس شاحن حق القلم القارئ ليتي اتعضت وقريت قران لا بس اخذت راس الشاحن استغفرالله
ويركبن علي بعض حسيت هنا اني مخترعة سيارة:pinklove: المهم وامعط توصيلة الكهرب الي بسوني الطالب النجيب الي حصل لي كل هذا من وراه يامال الصلاح
واركبهن واقعد علي جوالي وادفي رجليني ومنجضعة واشوف التلفزيون
واخر الليل قمت وتسننت وتعوذت من الشيطان
الصدق قهرني بحركته حسيت انه طرده
المهم اذن الفجر وقام طلع يصلي وانا زعله ماناظره عاد قمت قبل الظهر واسوي الغدا وارتب البيت وابخر عشان مايلقي شي يزعله لاني لاصرت زعله يدور شي انا مقصرة فيه يمسكه علي
اصلا هو دايم يقول ليتس دايم تزعلين تنحفين وتنظمين وتصيرين هميمه بعد منزينه الدب اشوي اني انحف منه
المهم يوم صار العصر ويشب ضو يقاله بيعزمن علي قهوة تحسبونه يعرف يقول كلمة تطيب الخاطر لا يرسل عياله يقول نادوه وخاسرتهم عاد سألت خواتي بالواتس قلت انا مشتهيتن قهوة وهالدب انا زعلتن عليه وش رايكن اروح عنده از ابتل زعله قالن تنقبي وروحي جازت لي الفكرة بس ماسويته رحت وانا زعله وتقهويت وانا زعله وقعدت وانا زعله وهو قاعد يكثر المزح يقاله يراضي من زين الرضاوة المهم ماذكر متي رضيت لكنه ماتعود له

مو هواش بمعنى الهوشة

بس لازم اختلاف في وجهات النظر

وانا طبعي ما احب الزعل
ولا احب المعارك هههههه

احاول انهي اي خلاف بوقته

وما اتناقش فترات طويلة
بالكثير ربع ساعة
واقل مدة خمس دقايق

ما احب اجادل اقتنع كويس
ما اقتنع براحته

ابين له رأيي ووجهة نظري
واقوله خلاص بكيفك الي تبيه سوه انا عطيتك رأيي
واسكت عنه
واشغل نفسي باي شي

احس لما يشوفني مو مهتمة ولا اعانده يسوي الي ابي
اصلاً انا ما احب النقاشات الطويلة الجدلية
الي ما منها فايدة وكلها عناد
اتعب وامل

والخلافت على كل شي
التربية ، النوم ، الاكل ، الاهل
وطلبات البيت

يعني الامور العادية

هو عنيد مرررره وانا قلبي الصغير لا يتحمل هههههههه

اقوول خل يسوي الي يبي كيفه ليه اوجع راسي واوجع قلبي معه

وفي النهاية يغير رايه

هم العنيدين كذا
ان عاندتيهم وجادلتيهم ما فيه فايدة

لكن ان حسوا ان الخيار بيدهم
يسمعوا ويصيروا مطيعين هههههه


على العموم الخلافات بين الزوجين طبيعيةً

ويسمونها ملح الزواج
مدري هي ملح او بهارات خخخخ