قصتي مع الصلاة الابراهيميه...

السلام عليكم ورحمه الله وبركاته ...
انا متابعه لمواضيع القسم واغلبها تطلب الدعاء او انها تفضفض . او وحدة عندها مشكله ومتعقدة ولا قادرة تنحل..
للأسف عندنا حل مهم وسهل يحل كل مشاكلنا في حياتنا بشكل عام ...الا وهيا & الصلاة على النبي&
بختصرها بقصتي وقولكم نبذة بسيطه عن حياتي قبل وبعد.
مريت بظروف جدآ صعبه نفسيآ وكل شي ابيه يتعطل . وحياة زوجيه متعبه بكل تفاصيلها..
كنت اشكي وابكي بس الحال مايتغير. مجرد اني ارتاح بالفضفضه بس حياتي زي ماهي...حياة روتينيه ممله..


كنت اتابع مقابله لشيخ . محمد العوضي. تعرفووونه ..ذكر فضل الصلاة على النبي .. من ضمن كلامه انه اذا عندك هم او غم او امر من امور الدنيا وتركتي الدعاء ..وتوجهتي لصلاة على النبي . ربي يكفيك همك ويغفر ذنبك . لان ربي اعلم باللي بصدرك من هموم ..
$$اتمنى تفهمون النقطه هذي... $$$$$$$
المهم قررت اصلي على النبي . عليه الصلاة والسلام قد ما اقدر.. كنت اصلي 1000 مرة باليوم.
اضل اصلي لين يوجعني حلقي من كثرة الصلاة ابدآ ما تركتها.. وربي شاهد علي صارت لي زي المعجزة .. اشياء كثيرة صارت لي زي الحلم .. لو بقولها بقعد يوم كامل اكتبها.
والله معجزة سبحان الله. الحين اي شي يتعبني او يتعقد على طول اصلي ع النبي ...وينحل ما ادري كيف اوصفلكم شعوري. بس اتنمى تجربونه.


جربو يا بنات بعد كل صلاة وكل فرض صلي ع النبي عليه الصلاة والسلام.. 3مرات او 10 ....او100 الشاهد انك تصلين حسب قدرتك واستطاعتك.. بتركيز وحظور للقلب .. والله متأكدة مليووووون بالميه انه بيصير لك كل شي تبينه واكثر... اهم شي المواصله مو يوم ولا يومين لا. خليك حياتك كلها ذكر وصلاة وعبادة.
وافضل صيغه .هي الصلاة الابراهيميه...
(اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد)



معليش طولت عليكم.. بس حبيت اذكر قصتي بشكل مختصر لعلها تكون سبب بتفريج هم وا إزاله غم..


. والله يجعلها صدقه جاريه لي والوالدي ولمن دخلت موضوعي.او رفعته.. .