انا من زمااااااااااااان حطيت طريقة حلى أقماع التمر..على هذا الرابط..
::أقماع التمر::
وفي أخوات كثير طلبوا مني تصوير خطوات اللف وطلبوا توضيح أكثر..
واستجابة لهم..اليوم سويتها وصورتها اخيرا..
بمساعدة من اختي الغاليه (كاجو),,وتصويري انا..
المقادير والطريقه تلقونها في الرابط السابق..
وهنا راح اضع صور لطريقة اللف فقط..تراني حاطتها بالتفصيل المملللللللللل..
لكن هي اكثر من سهله..
بعد مانعجن العجينه نقطعها الى كور صغيره..
1/ نفرد كل كوره بفرادة العجين الخشب (النشابه)..
2/ نفرد التمر ايضا الى دائره..كل واحده تفرد التمر بطريقتها اللي تريحها,,
لكن انا هنا راح اوضح طريقتي لأنها سهله,,ومريحتني,,
نقص كيس بلاستيك الى نصفين..وندهنه بزيت..ونضع في طرفه كره من التمر,,
3/ نغطي التمر بطرف الكيس..لاحظوا اني قصيت الكيس الى نصفين منفصلين
يعني راح افرد كرتين من التمر كل نصف كيس احط فيه كره تمر واحده..
4/ اسكر الحديده واضغط عشان تنفرد التمره..لو ماعندك هذا الجهاز,,
((كبرته وخليته جهاز ههههههه لا هو فرادة المطازيز)),,عادي ممكن تفردينها بالفراده الخشب (النشابه) بس ميزة الحديده هاذي انها تفردها كلها بنفس السمك..وتطلع بهالشكل..
5/ نضع التمر فوق العجين ونمسح فوق الكيس شوي عشان تلزق التمره بالعجين ونزيل الكيس وراح تطلع التمره فوق العجينه بكل سهوله..
6/ طبعا نلف التمر مع العجين مثل السويسرول,,ونحاول ان التمر مايوصل لطرف
العجين عشان لاينحرق في الزيت اثناء القلي..
7/هذا شكلها بعد اللف..
8/وهاذي كلها بعد ماخلصناها..
9/نقليها في الزيت قلي عميق..
10/ وهذا شكلها بعد القلي..
11/ ننتظرها تبرد ( عشان لاتتكسر) ونقطعها بشكل مائل..
12/ وهذا شكلها بعد التقطيع..
13/ وهاذي كلها بعد التقطيع لكن والله مازيناها ولاقدمناها لأننا حطيناها بالفريزر
عندنا مناسبه يوم الخميس وان شاء الله لو قدرت قبل مانقدمها يوم الخميس
اصورها لكم,,
والف صحه وعااااااااااااااافيه..اي سؤال انا حاضره..واعيد وازيد تراها سهله والله..
تسلم ايدك