اهل الامارات و اللي يعرف كل قرنه فيها... ارجوا المساعدة

ماعندي
فكرة بس حبيت أرفع الموضوع
وتقدرين تدخلين ملف بنات دبي وبيفيدونك إن شاء الله

و انا حاطه ايدي على خدي انتظر
:(

حبيبتي بالنسبة للشقة.. سعرها وااايد زييين..
وخاصة اذا كانت من تبع اعمار لانه المعرووف انه شققهم روووعه..
والصرااحة السعر واايد مغري.. ولاتنسيين انه الاسعار كل ماياينها وترتفع..

وعن سؤالج عن دبي.. شو قصدج بالجديد؟؟ سوق ولا مشاريع؟؟

وعن مجوهرات هيفا.. وحده من البنات قبل فترة منزلة موضوع فيه صور مجوهرات هيفا في ركن الازياء.. و عن الاسعار ما اعتد انها رخيصة ابدا.. لانه من المعرووف انه معوض دووم اشيائه غالية.. وخاصة اذا كانت مجموعة باسم وحده مشهوورة مثل هيفا..

اتمنى اني قدرت افيدج بشي :)

هلا اختي بنت دار زايد
اولاً عيدك مبارك
ثانيًا
بالنسبة للشقق
و ين احصل احسن و انسب الاسعار و منظر حلو و قريب من كل شيء
ثانيًا
بالنسبة لدبي احب اعرف عن اسواقها و مطاعمها و مشاريعها
يعني بالعربي كل شيء في جعبتك

و ثالثًا
ممكن رابط مجوهرات هيفاء
حاولت و لكن لم استطع الحصول عليه
و دمتي سالمة غانمة دنيا و اخره

هلا والله اختي
كل عام وانتي بخير.. لو انها متأخره شوي..

اختي بالنسبة عن الشقق الي في دبي.. عندج شقق في مرسى دبي.. تبدأ الاسعار لل studio
اب 350،000 درهم.. والمكان الكل يمدحه لانه بعده يديد..
واذا حابة تاخذين فيلا فخمة من طابقيين تقدرين تشترين غي الينابيع.. وهو مقابل مرسى دبي.. تبدأ الفلل على 1،100،000 بس شي واايد واايد راقي
واذا تبين في الشارجة.. ان شاء الله بعد كم شهر بتجهز ابراج الأميرة.. ومكانها في الشارجة مقابل بحيرة خالد.. تبدأ اب 350،000 درهم.. بس طبعا هنااك المنظر راائع جدا جدا.. لانه في نص السوق..
واذا عزمتي انج تشترين في الامارات.. طبعا محلات العقارات الي في دبي بترااويج اماكن اكثر عن الي ذكرتهم بس حبيت اعطييج فكرة عن الاسعار لهذي الاماكن بالذات..


اما عن دبي.. ف اليديد الي فيها هو مول الامارات.. مول جديد وواايد حلو.. وفيه محلات اول مرة تفتح في الامارات.. ومدينة ثلج رهييبة.. امم هذا الي في بالي الحينه
وعن المشاريع القادمة.. طبعا مشرووع دبي لاند ان شاء الله بيجهز اخر هذي السنة.. وجزيرة النخلة.. وقطار دبي.. ودبي مول.. الي بيكون اكبر مول في العالم ان شاء الله..

وعن رابط مجوهرات هيفا.. الصرااحة انا بعد دورت الموضوع هني في المنتدى بس مع الاسف ماحصلته.. بس ان شاء الله بدور مرة ثانية عليه واذا حصلته من عيووني بحطه :)