من قهري على عيالكم بتطوع أشرف عليهم

السلام عليكم ورحمة الله وبركاته



أتطوع بأن أحتضن وأرعى أو أشرف على رعاية جميع أطفال الأمهات العاملات بدون مقابل والله العظيم ما أبغي غير اني أنقذ الطفولة والبراءة من الوحوش
طبعاً في إمارتي رأس الخيمة والإمارات المجاورة أم القيوين أقرب شي



وأتمنى لو بنت من كل إمارة تطوع وتسوي خير لوجه الله
بحيث إننا نغطي جميع الإمارات



أمهات رأس الخيمة العاملات
أتعهد بأن أرعى أو أشرف على رعاية عيالكم اللي أعمارهم من 0 إلى 4 سنين رعاية حقيقية علماً بأن بيتي واسع وفيه غرفة ألعاب آمنه للأطفال مفروشة بنوع من المطاط اللي يمتص الصدمات ما عليكم إلا انكم تطرشون لي عيالكم ويا أكلهم وغياراتهم وأنا أتكفل بالباقي

وإذا كانوا ما يعانون من الحساسية وعمرهم فوق ال3 سنين طرشوهم لي وأنا علي أكلهم
ما أمانع إذا بتطرشون مربية وأنا أشرف عليها
كل هذا بس عشان ما تستفرد الشغالة بالطفل المسكين




أنا جادة وأرجوكم موضوعي هذا للجادات فقط
أنتظركم على الخاص للتفاصيل






أقسم بالله العظيم ما تألمت في حياتي كثر ما أتألم وأنا أشوف العيال اللي اييبونهم ويعقونهم
يخلفونهم وينسونهم

أنا مريت باللي مروا فيه هالمساكين
ذقت المر على إيد خادمة ما ترحم :icon33:
وأمي كانت تدرس مسا وتذاكر في الصبح

الشغالة كانتت تطردني برع الصالة كنوع من العقاب أو عشان يخلالها الجو مع بشكار اليران
وأحياناً كانت تحصل تجاوزات جدام عيوني كأن يلمس صدرها وأنا ما كنت أفهم

كنت في عمر ال 3 سنين وأختي كان عمرها سنه
فعشان جيه أنا اللي كنت دايماً أنطرد وتقفل عني الباب وأحياناً تحبسني في الغرفة بس عشان ما أخرب عليهم الجو

وآخر شي حملت وسفروها وفكونا من شرها :icon28: