..................................... مساكم بالخير يالعمال العماليه
ماتعطونا بنتكم الحلوه الجميله
........................................ مانعطيكم هيا الإ بالف وميه
ندخل على دياركم ونكسر أبوابكم
.................................................. .... وهذي عروستنا
هذا الزمن الأقشر اللي عشناه فيما مضى
عصر ماقبل البطاره ... عصر الورعنه
أعتقد كل شخص فوق الـ 18 مر على هذا العصر الأغبر .. واللي مامر على هالعصر لايكمل يقراء الموضوع علشان برستيجنا مايهتز
هالزمان راح أقسمه لأيااااام .. علشان تعيشو الجو
أياااااام الكشخه
الكشخه فينا تلبس الطوق والبكله والشراب القصير أبو كشكش وحاطه من الروج الأخضر السحري "اللي بعد خمس دقايق يقلب أحمر .. كأنها مصاصه دماء .. "
ماعاد الشكل يصير برئ هي وذا الروج
واللي تلبس الفستان المكسره "اللي من تحت مليان جيبون" اللي حزام الفستان يسحب بالشوارع
وله كتافات أسفنجيه عاليه الجوده
وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم
اياااااام بقاله العم أبو سعيد
الوحده منا تركض للبقاله بقميصها القطن "اللي شاريته لها أمها من البياعه اللي تجي عند بابهم " تشتري ببسي أبو كيس>>>> بنص ريال ..
وتشتري معه البسكوت الأخضر اللي بالموز >>>>
ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه بزارين البيت كلهم ...
وياحظها لو صارت العلبه لها لحالها يقعد ثلاث ايام بالثلاجه وهي تلط منه
أياااااام التصرفات الهمجيه
حدث ولاحرج .. مدري عاد هالتصرفات توارثتها الأجيال ولا لا
بقلوب صافيه كنا نزعل ونرضى من اللي زعلنا بسرعه بس شرط أساسي أصبعه الخنصر لازم يتصالح مع أصبعي أنا <<<
أما اللي بيعلم أنه تسذوووب يمد لسانه ويطير لسانه بأصبعه >>>> ماأعتقد اني وفقت بهالشرح
أياااااام التلفزيون
طوووووووووووووووووط >>>> فجرت أذانيكم صح ...
والشاشه الملونه ... ولا ترن تن تررررن ترررن >>>> هذي النغمه لما يحطون شاشه الساعه .. ومن تجي عشره .. يبدا القران وبعد أفلام كرتونهم
أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض >>> كنت أعشقهم
بس تطورت وحبيت روبن هود وزورو وهايدي وسالي .. هذا التطور يمكن على اخر ايام الأبتدائي
وصرت أتابع أفتح ياسمسم .. وبدر وأنيس .. ياحبي لهم
وبعد التطور " أمحق " تسنعنا وصرنا نتابع مسلسلات ..."مسلسل عبدالله البحري وعبدالله البري" .. "ومسلسل عواد" .. "وصح النوم"
.. "وفايز التوش""ومسلسل جواهر .. اللي فيه زوينه وحمد وجواهر "<< ماكنت احب زوينه الشريره
أيااااام الأناشيدمتى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه
>>> العن ابو المصاله
سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي
أياااام الدلاخه
أنا أشهد اني كنت اكبر دلخه في تاريخنا .. بس الحين يوم كبرت .. أذكى مني مافيه >>>> لايكثر
أياااام المدرسه
أول يوم دراسي .. والكرتون الكبير اللي يجيبه ابوي من المكتبه وكلها محتوياته من ذوووقه
" درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه وأشياء لاتعد ولاتحصى ..
ويجي دور الهجوم على الغنائم >>>> أول مره يشوفون شي جديد
لا والسلام الملكي حق المدرسات ..
من تدخل المدرسه الكراسي والطاولات ينحاشون من اصوات البنات
" شرفتينا ونورتينا ياابله نوره ...... نوره ياعيوني ياللي لابسه الليموني ..لابسه الساعه اللماعه تسوى كل الجماعه
أيااااام الممنوعات
كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين علشان يسمح له دخول منزلنا ..
أذكر كل ماقلنا لأبوي نبي أتاري .. قال لنا الأتاري مااسمع له طاري
بس أزين شي ان طلعت الشارع عادي
كانت فيه أشياء كثيره ممنوعه بوقتها ... كل ماأذكر أني أصيح لما يرفضونها أحس ان البرائه بتشقق بعضها ..
>>>ايه هين
وووووبس
هذي كانت حياتي لما كنت صغيره
يلا أبي كل واحد ... يقولنا وش كان يغبر وهو صغير
موضوع للفرفشه .. ونرجع ذكرياتنا
وتراني لطشتها الموضوع من المنتدى ههههههههههههههههههه
ايه نسيت كل وحده تقول شلون عاشت ايام طفولتها في سبعينات وسينات وثمنيات ايام اللوك الجديد وتراني متابعتكم بقوه