الله يكون في عونك وعون كل مبتلاة

ابقولك راي وعسى ربي ما يعاقبني !!
انتي تقولين زوجك يصلي ويخاف الله فمعنى هذي نزوة وان شاء الله ما تستمر
لكن اجلسي معه جلسه رايقه ومصارحه
قولي نبي نحط النقط على الحروف ونهي الموضوع انامن يوم دريت عن سالفتك وانا ماني مرتاحه
لكن لقيت لي حل بيريحك ويريحني

انت لك حسابات في هالبرامج ومسكرها وما احد يسكر شي الا اذا عنده حرام يخاف ان لناس تشوفه
وانا قررت اني امشي في نفس الطريق اللي انت ماشي فيه !!
طبعا هو بيعلق وممكن يزعل او اي شي
قولي له هذا نهاية الطريق اللي انت تمشي فيه
من يخون اعراض الناس ,الناس تخون عرضه
واذا انت خايف على عرض زوجتك وبناتك او اخواتك فانتبه من الان
لان عرضك ليس اغلى على الله من اعراض باقي المسلمين
ولو كانت هذه المغفلة التي تبيعك عرضها قد استرخصته فإن اهلها لا يرضون ذلك

المهم ما تخلصين من المناقشه الا بحل صارم
يرسل لهالخايبة يقول لها خلاص مابيني وبينك اي علاقه وانتي خاينه واللي تخون اهلها مهي محط ثقه ابدا
ويحذفها او يحذف البرنامج
ويكون جهازة وبرامجه كلها مفتوحه عندك
وان رفض وريه العين الحمراء

قولي مالي جلسه عندك ,ابوي هو اللي يتفاهم معك مقدر اعيش وانا متوترة اخاف كل يوم تخوني

ترى الرجل ما يهاب الحرمه ولا تهمه ويدري ان رضاها اقرب له من شراك نعله
وهذي انتي ونستيه وخليتيه عريس يوم اكتشفتي خيانته
مع انه لو الوضع عكسي ما تلقين نفسك الا في المستشفى او المقبرة

الرجل ما يهاب الا رجل مثله ولا يخاف الا على سمعته ونظرة الناس له
فخلي هذي ورقتك الرابحه

الله يدلك على الصواب ويطمن قلبك ويهدي زوجك وجميع المسلمين

وبالله ذكريه قولي الناس في حرب وقتل واعراض المسلمين تنتهك وانت قاعد تلاحق الحريم
عيب عليك اللي مثلك شايل سلاحه ويدافع عن اعراض اخواته مو يقعد ينتهكها في السلم

الله يردنا اليه ردا جميلا

بالنسبة للاستراحه يوم الخميس لازم تشبعينه كل صبح خميس او اربعاء عشان ما يلقى ابليس عليه مدخل
حتى لو اضطريتي تغصبين نفسك وتغصبينه وتذكرينه بوجوب اعفافك حتى يخاف عليك ويعف نفسه عن الحرام

وشي ثاني وهالكلام اقوله لكل الاخوات هنا

ما الداعي ان الرجل يحط له صورة عرض في هالبرامج
خاصة اللي فيها مشاركات من النساء
قولي انت ما ترضى احط صورتي وانا ما ارضى تحط صورتك
فيه حريم ضعيفات عقل وضعيفات دين ممكن تتبلاك وتوذيك عشانها اعجبت بصورتك

يعني الرجال في هالبرامج بثقافته وعقله مو بشكله وشخصيته
فماله داعي يحط له صورة ايا كانت
خاصة انهم يتزينون ويعدلون صورهم قبل ما ينزلونها عشان يكشخون قدام الحريم